STODI POINT 13

Help Adaz fi Si How Dehn Ku Benifit

Proverbs 3:21

WEH FI DU: Help yu aadyans fi andastan how yu sobjek kud afek dehn laif, ahn shoa dehn weh fi du wid weh dehn di laan.

Tink bowt yu aadyans. Tink bowt wai dehn need fi hyaa di infamayshan weh yu di shayr wid dehn, ahn kansida wich paat a yu tapik wuda benifit dehn persnali.
Chroo di hoal taak er prezentayshan, shoa yu aadyans weh dehn need fi du. Fahn yu staat taak, eech persn need fi riyalaiz dat di infamayshan aplai tu dehn. Az yu eksplayn eech mayn point, shoa how fi aplai it. Chrai fi bee spesifik; noh ga peepl di ges weh dehn need fi du.

Diskos eena wahn lovin way how fi aplai di Baibl prinsiplz, ahn memba fi shoa kansidarayshan fi peepl. Insteda di mek peepl feel gilti, schrentn dehn lov ahn fayt. Ga kanfidens dat weh deh eena fi dehn haat wahn mek dehn du weh rait.