STODI POINT 15
Shoa Dat Yu Bileev Weh Yu Di Teech
1 Tesaloanyanz 1:5
WEH FI DU: Shoa dat yu reeli bileev dat weh yu di seh da chroo ahn dat ih impoatant tu yoo.
HOW FI DU IT:
Pripyaa gud. Stodi di infamayshan til ih mek sens tu yoo ahn til yu andastan how di Skripchaz sopoat di tapik. Chrai fi bring owt di mayn points a yu prezentayshan eena wahn fyoo simpl werdz. Foakos pahn how ih wahn benifit di aadyans. Ahn pray fi hoali spirit.
Yooz werdz weh shoa dat yoo kanvins. Insteda jos reed werd fi werd fahn owta di poblikayshan dehn, seh it eena yu oan werdz. Yooz werdz weh shoa dat yoo kanvins bowt weh yu di seh.
Taak eena wahn sinsyaa ahn waam way. Taak wid inof valyum ahn luk pahn peepl wen yu di taak tu dehn.