STODI POINT 20
How fi En Wahn Diskoshan er Taak
Ecclesiastes 12:13, 14
WEH FI DU: Da di endin a yu taak er prezentayshan, inkorij yu aadyans er di persn weh yu di taak tu fi aksep an aplai weh dehn mi laan.
HOW FI DU IT:
Kanek di endin a yu taak tu di oavaraal tapik. Du wahn lee rivyoo a yu mayn points ahn yu teem.
Inkorij yu aadyans fi aplai weh dehn mi laan. Shoa dehn weh fi du ahn help dehn fi si wai dehn need fi du it. Taak fahn yu haat ahn shoa dat yoo reeli bileev weh yu di seh.
Kip di endin a yu taak shaat an eezi fi andastan. Noh menshan ada mayn points wen yu nayli don yu taak. Insted, yooz jos wahn fyoo werdz fi inkorij yu aadyans fi du sohnting bowt weh dehn mi jos hyaa.