“Weh Gaad Don Jain Tugeda”

Di Laa a Moaziz mi seh dat if wahn man mi-di tink bowt divoas ih waif, ih mi need fi pripyaa wahn leegal dakyument. Di perpos fi dis laa da-mi fi help dehn noh bee kwik fi geh wahn divoas. Bot eena Jeezas day, di rilijos leeda dehn mi mek it eezi fi geh wahn divoas. Di man dehn kuda mi divoas dehn waif fi eni reezn dehn feel laik. (nwtsty stodi noat dehn pahn Mk 10:4, 11) Jeezas rimain dehn dat Jehoava da di wan weh set op di marij araynjment ahn mek it leegal. (Mk 10:2-12) Wahn hozban ahn waif fi bee laik “wan persn,” er wan flesh, ahn dehn marij fi laas fareva. Akaadn tu di Skripchaz, wahn Kristyan ku chooz fi geh wahn divoas onli if ih marij paadna cheet pan ahn.—Mach 19:9.

Wahn lata peepl nowadayz feel jos laik how di Farisee dehn bak eena Jeezas day mi feel bowt marij. Wen prablemz kom op eena marij, peepl eena di werl hori fi geh wahn divoas. Wahn Kristyan kopl difrent doh, dehn tek dehn marij vow seeryos ahn dehn werk haad fi aplai di prinsipl dehn fahn di Baibl eena dehn laif. Afta yu don wach di veedyo Lov ahn Rispek Bring di Famili Tugeda, ansa dehnya kweschan:

• 

  How yu ku aplai Proverbs 15:1 eena yu marij, ahn wai ih impoatant fi du dat?

• How Proverbs 19:11 ku help yu avoid prablemz?

• If yu marij di luk fi brok op, insteda tink, ‘Ah wanda if Ah shuda geh wahn divoas?ʼ weh kweschan yu shuda aks yuself?

• How Machyu 7:12 ku help mi bee wahn beta hozban er waif?