LIV YU LAIF AZ WAHN KRISTYAN
Meetin fi Feel Servis Weh Benifit Evribadi
Meetin fi feel servis, laik aala wi kangrigayshan meetin dehn, da wahn provizhan fahn Jehoava weh alow wi fi “inkorij wan anada fi shoa lov ahn du gud werks.” (Heeb 10:24, 25) Di meetin fi feel servis onli fi bee faiv tu sevn minits lang, dat inklood aaganaiz di groop, asain di teritori, ahn seh wahn pryaa. (If di meetin fi feel servis wahn tek plays afta wahn kangrigayshan meetin, ih shuda tek eevn les taim.) Di wan hoo di kandok di meetin fi feel servis shuda pripyaa sohnting weh wahn help evribadi weh di tek paat eena di minischri da day. Fi egzampl, pahn Satideh wahn lata poblishaz weh noh tek paat eena servis joorin di week wuda benifit if di meetin da bowt how fi staat wahn kanvasayshan. Wat da sohn ada tapik wi ku diskos weh wahn benifit evribadi?
Wahn sampl kanvasayshan fahn Wi Kristyan Laif ahn Minischri—Meetin Werkbuk
How fi staat wahn kanvasayshan bowt di laytes ivent er nyooz ripoat
How fi rispan tu sohnting weh peepl aalwayz bring op eena di teritori
How fi rispan tu sohnbadi weh noh bileev eena Gaad, weh bileev eena evolooshan, weh taak wahn nada langwij, er weh bilang tu wahn rilijan weh noh tu kaman eena yu ayrya
How fi yooz di jw.org websait, di JW Library® ap, er di Baibl
How fi yooz wan a di toolz fahn wi Teechin Toolbaks
How fi tek paat eena di minischri, laik fi du foan witnisin, leta raitin, poblik witnisin, ritern vizits, er Baibl stodiz
Rimaindaz bowt how fi stay sayf, how fi shoa gud manaz, how fi bee pazitiv, er sohnting simila
Wahn stodi point er veedyo fahn di Laan fi Reed ahn Teech Beta broashoar
How fi inkorij ahn help yu feel servis paadna
Wahn skripcha weh ga fi du wid di minischri er wahn inkorijin feel servis ekspeeryens