Wenzdeh, Disemba 8
Di Werd a Gaad . . . ku joj weh wi tink er weh wi waahn eena wi haat.—Heeb. 4:12.
Weh shuda bee yu reezn fi geh baptaiz? Ih shuda bee bikaaz yu kyaafuli stodi di Baibl ahn yu laan bowt Jehoava, weh hihn stan laik, ahn how hihn du tingz. Weh yu laan bowt hihn toch yu haat ahn mek yu staat tu lov ahn moa ahn moa. Yu lov fi Jehoava fi bee di moas impoatant reezn wai yu disaid fi geh baptaiz. Wahn nada reezn wai yu disaid fi geh baptaiz da dat yu laan weh di Baibl teech ahn now yu bileev weh ih seh. Kansida weh Jeezas mi seh wen ih mi gi di koman fi goh ahn chrayn peepl fi bee ih disaiplz. (Mach. 28:19, 20) Akaadn tu Jeezas, di wan dehn weh geh baptaiz need fi geh baptaiz ‘eena di naym a di Faada, di Son, ahn di hoali spirit.ʼ Weh dat meenz? Ih meenz dat yu mos bileev wid aala yu haat di chroot fahn di Baibl bowt Jehoava, ih Son Jeezas, ahn di hoali spirit. Dehnya teechin powaful ahn dehn ku moov wi tu akshan. w20.03 9 ¶8-9