LESN 54
Weh Werk “di Faytful ahn Waiz Slayv” Di Du?
Jeezas da di hed a di Kristyan kangrigayshan. (Ifeezhanz 5:23) Tudeh, Jeezas deh da hevn ahn hihn yooz “di faytful ahn waiz slayv” fi leed ih falowaz pahn ert. (Reed Machyu 24:45.) Jeezas da di wan weh chooz di “slayv” ahn hihn gi di slayv di rait fi disaid sertn tingz. Bot di slayv stil haftu obay Jeezas ahn serv Jeezas anointid bradaz. Hoo da dis slayv? Ahn how ih di tek kayr a wi?
1. Hoo da “di faytful ahn waiz slayv”?
Jehoava mi aalwayz yooz wahn man er wahn smaal groop a dehn fi dairek ih peepl. (Malachi 2:7; Heebrooz 1:1) Afta Jeezas mi ded, di apasl ahn di elda dehn eena Jeroosalem mi-di tek di leed. (Aks 15:2) Jos laik bak den, tudeh wahn smaal groop a eldaz weh naym di Govanin Badi a Jehoava Witnisiz tek di leed fi gi wi spirichwal food ahn dairek di preechin werk. Dis groop da “di faytful ahn waiz slayv weh [Jeezas] chooz.” (Machyu 24:45a) Aala di Govanin Badi membaz da anointid Kristyanz, ahn dehn di luk faawod fi rool wid Jeezas eena fi hihn Kingdom da hevn wen dehn laif pahn ert finish.
2. Weh kaina spirichwal food di faytful slayv gi wi?
Jeezas mi seh dat di faytful slayv mi wahn “gi [dehn Kristyan bradaz ahn sistaz] dehn food da di rait taim.” (Machyu 24:45b) Jos laik how di food weh wi eet help wi fi stay schrang ahn helti, spirichwal food weh kohn fahn Gaad Werd, gi wi di schrent weh wi need fi stay laayal tu Jehoava ahn du di werk weh Jeezas gi wi. (1 Timoti 4:6) Wi geh dis spirichwal food fahn wi meetinz, asembliz, kanvenshanz, ahn fahn wi poblikayshan ahn veedyo dehn. Aala dehnya tingz help wi fi andastan weh Jehoava waahn ahn mek wi frenship wid hihn geh schranga.
SAACH FI MOA
Laan wai wi need “di faytful ahn waiz slayv” er di Govanin Badi.
Di Govanin Badi gi spirichwal food, dairekshan, ahn help tu Jehoava Witnisiz aal oava di werl
3. Jehoava peepl need fi bee aaganaiz
Jeezas dairek di Govanin Badi fi aaganaiz di werk weh Jehoava Witnisiz du. Ahn hihn mi dairek di fos Kristyanz eena wahn simila way. Play di VEEDYO.
Reed 1 Korintyanz 14:33, 40, ahn den diskos dis kweschan:
How dehnya vers shoa dat Jehoava waahn fi hihn peepl bee aaganaiz?
4. Di faytful slayv aaganaiz wi preechin werk
Fi di fos Kristyanz, di preechin werk da-mi di moas impoatant werk weh dehn mi du. Reed Aks 8:14, 25, ahn den diskos dehnya kweschan:
Hoo mi dairek di preechin werk monks di fos Kristyanz?
Weh Peeta ahn Jan mi du wen dehn mi geh dairekshan fahn di ada apasl dehn?
Di preechin werk da di moas impoatant werk weh di Govanin Badi aaganaiz. Play di VEEDYO.
Jeezas mek wi noa dat di preechin werk reeli impoatant. Reed Maak 13:10, ahn den diskos dehnya kweschan:
Wai di preechin werk soh impoatant tu di Govanin Badi?
Wai wi need “di faytful ahn waiz slayv” fi aaganaiz dis werk weh di hapm aal rong di werl?
5. Di faytful slayv dairek wi
Di Govanin Badi dairek Kristyanz aal oava di werl. How di faytful slayv disaid weh dairekshan fi giv? Fain owt how di govanin badi eena di taim a di fos Kristyanz mi du dis. Reed Aks 15:1, 2, ahn den diskos dehnya kweschan:
Weh som a di fos Kristyanz kudn gree pan?
Hoo Paal, Baarnabas, an adaz mi gaahn tu fi geh help?
Reed Aks 15:12-18, 23-29, ahn den diskos dis kweschan:
Bifoa di mek wahn disizhan, da weh aal di govanin badi bak den mi du fi geh help fahn Gaad?—Si vers 12, 15, ahn 28.
Reed Aks 15:30, 31 ahn 16:4, 5, ahn den diskos dehnya kweschan:
Weh di fos Kristyanz mi du wen dehn geh dairekshan fahn di govanin badi?
How Jehoava mi bles dehn bikaaz dehn obay?
Reed 2 Timoti 3:16 ahn Jaymz 1:5, ahn den diskos dis kweschan:
How di Govanin Badi geh dairekshan fi mek disizhanz tudeh?
WEH YU WUDA SEH IF SOHNBADI TEL YU: “If yu lisn tu di Govanin Badi, yu jos di fala loan hyoomanz.”
Weh mek yoo noa fi shoar dat Jeezas di leed di Govanin Badi?
WEH WI LAAN?
Di Govanin Badi da “di faytful ahn waiz slayv” weh Jeezas chooz. Dis slayv dairek Kristyanz aal oava di werl ahn gi dehn spirichwal food.
Mek Wi Rivyoo:
Hoo chooz “di faytful ahn waiz slayv”?
How di Govanin Badi tek kayr a wi?
Yoo bileev dat di Govanin Badi da “di faytful ahn waiz slayv”?
FAIN OWT MOA
Si how di Govanin Badi aaganaiz fi du ih werk.
Laan how di Govanin Badi mek shoar dat wi ku chros di spirichwal food weh wi get.
How di Govanin Badi membaz feel bowt di werk weh Jeezas gi dehn fi du?
How wi meetinz ahn kanvenshanz shoa dat Jehoava di dairek di Govanin Badi?