▪ Paal mi rait: “Gaad . . . leed wi eena Krais vikchri maach. Ahn now, ih di yooz wee fi spred di Gud Nyooz evriway, dat peepl ku noa Krais, ahn fi noa hihn da laik di smel a wahn sweet perfyoom. Kaa wee da jos laik di smel a insens, weh Krais di aafa op tu Gaad, ahn dis smel di spred monks dehn wan weh di geh sayv, ahn monks dehn wan weh deh pahn di road tu dischrokshan.”—2 Korintyanz 2:14-16.

Di International Standard Bible Encyclopedia seh dat di iloschrayshan weh Paal menshan bowt di “smel a insens” weh Krais aafa op weh spred monks di peepl weh wahn geh sayv ahn di peepl weh wahn geh dischrai, “praabli mi kohn fahn weh di Roamanz doz bon insens lang di way joorin di maach. Di sayhn smel weh mi meenz vikchri fi di aami mi aalso meenz det tu di priznaz.”