Chooz Frenz Weh Lov Jehoava

Wai wi shud chooz frenz weh lov Jehoava? Bikaaz di peepl weh wi spen taim wid ku afek wi eeda eena wahn gud way er eena wahn bad way. (Pr 13:20) Fi egzampl, King Jehowash mi du “weh mi rait eena Jehoava aiy” az lang az hihn doz spen taim wid di Hai Prees Jehoyada. (2Ch 24:2) Afta Jehoyada mi ded, Jehowash mi stap serv Jehoava bikaaz a di bad kompani ih mi-di kip.—2Ch 24:17-19.

Eena di taim a di apasl dehn, Paal mi kompyaa di Kristyan kangrigayshan tu wahn “big hows” ahn di membaz a di kangrigayshan tu “dish ahn bowl,” er tu tingz weh deh eena wahn hows. Wi ku bee wahn ‘fansi goal dish weh Gaad wahn yooz fi du speshal werkʼ if wi kip weh fahn enibadi weh noh di pleez Jehoava, eevn if da wi oan faamli, er sohnbadi eena di kangrigayshan. (2Tim 2:20, 21) Soh den, mek wi kantinyu fi chooz frenz weh lov Jehoava ahn weh inkorij wi fi serv ahn.

WACH DI VEEDYO LAAN FI AVOID BAD KOMPNI, AHN DEN ANSA DEHNYA KWESCHANZ:

• How wee ku en op di spen taim wid bad kompni widowt wi eevn riyalaiz it?

• Eena di veedyo, weh mi help chree Kristyanz fi stap kip bad kompani?

• Wat da sohn Baibl prinsipl weh ku help wi bee waiz wen wee di chooz wi frenz?