Mateo

7 Ma kixtzjon ta itzel chkij ri nkʼaj chkij, rchë ke riʼ ma xketzjon ta itzel chiwij rïx. 2 Rma ri rubʼanik xkixtzjon chkij ri nkʼaj chik ke riʼ chqä rubʼanik xketzjon chiwij rïx, y ri inaʼoj xtiʼän kikʼë ri nkʼaj chik kan ke riʼ chqä kinaʼoj xtkiʼän iwkʼë rïx. 7 Ma kixtaneʼ ta chukʼutxik ri niwajoʼ, y xtyaʼöx chiwä; ma kixtaneʼ ta chukanuxik ri nikanuj, y xtiwïl; ma kixtaneʼ ta rchë nikokaj ruchiʼ jun jay, y xtjaq ruchiʼ ri jay chiwäch. 8 Rma ri winäq ri nukʼutuj ri nrajoʼ, xtyaʼöx che rä; y ri winäq ri nkanun, xtrïl ri nukanuj; y ri winäq ri nkokan ruchiʼ jun jay, xtjaq ruchiʼ ri jay chwäch. 12 Rma riʼ, tibʼanaʼ kikʼë ri nkʼaj chik ronojel ri niwajoʼ chë nbʼan iwkʼë rïx. Kan ya reʼ rusamajxik Rupixaʼ Moisés chqä ri xkitzʼibʼaj qa ri profetas. 13 Kixok chpan ri puerta ri koʼöl ruwäch. Rma kan nüm ruwäch ri puerta chqä ri bʼey ri xa pa kamïk nbʼä wä, y kan ye kʼïy yeʼok chpan ri puerta riʼ. 14 Ye kʼa xa koʼöl ruwäch ri puerta chqä ri bʼey ri yaturkʼwaj chpan ri kʼaslemal, y kan ye jbʼaʼ ok ri yeʼilö rchë. 15 Tichajij iwiʼ chkiwäch ri ma kantzij ta chë ye profetas, ri kan achiʼel ta karneʼl kinaʼoj nkiʼän ye kʼa xa kan itzel kinaʼoj achiʼel jun lobo. 16 Rïx xtitamaj kiwäch rma ri kinaʼoj xtkikʼüt. [...] 21 Ma jontir ta ri yebʼin ‹Wajaw, Wajaw› chwä xkeʼok chpan Ruqʼatbʼäl Tzij Dios. Xa xuʼ xkeʼok ri xtkiʼän ri nrajoʼ ri Ntataʼ ri kʼo chlaʼ chkaj.