Salmo
Usa ka salmo ni Asap.+
50 Ang Usa nga Gamhanan,+ ang Diyos, si Jehova,+ nagsulti,+
Ug siya nagtawag sa yuta,+
Gikan sa silangan sa adlaw hangtod sa kasadpan niini.+
2 Gikan sa Zion, ang pagkahingpit sa katahom,+ nagdan-ag ang Diyos.+
3 Ang atong Diyos moanhi ug dili mahimong magpakahilom.+
Sa iyang atubangan adunay nagalamoy nga kalayo,+
Ug sa iyang tibuok palibot nagbagyo nga kusog kaayo.+
5 “Tigoma ngari kanako ang mga maunongon nako,+
Kadtong nagapalig-on sa akong pakigsaad pinaagi sa halad.”+
6 Ug ang mga langit magasugilon bahin sa iyang pagkamatarong,+
Kay ang Diyos maoy Maghuhukom.+ Seʹlah.
7 “Pamati kamo, Oh akong katawhan, ug mosulti ako,+
Oh Israel, ug ako magpamatuod batok kanimo.+
Ako ang Diyos, ang imong Diyos.+
8 Dili mahitungod sa imong mga halad nga nagabadlong ako kanimo,+
Ni mahitungod sa imong tibuok nga mga halad-nga-sinunog nga anaa kanunay sa akong atubangan.+
9 Dili ako magkuha ug torong baka gikan sa imong balay,+
Ni laking mga kanding gikan sa imong mga toril.
10 Kay ang tagsatagsa ka ihalas nga hayop sa lasang akoa man,+
Ang mga mananap sa ibabaw sa usa ka libo nga kabukiran.+
11 Naila ko pag-ayo ang matag pak-an nga linalang sa kabukiran,+
Ug ania uban kanako ang mga panon sa kahayopan sa kapatagan.+
12 Kon gutomon ako, dili ako mosulti kanimo;
13 Kan-on ko ba ang unod sa mga torong baka nga kusganon,+
Ug imnon ko ba ang dugo sa laking mga kanding?+
14 Itanyag ang pasalamat ingon nga imong halad ngadto sa Diyos,+
Ug bayri ang imong mga panaad sa Labing Hataas;+
15 Ug tawga ako sa adlaw sa kasakitan.+
Pagaluwason ko ikaw, ug ikaw magahimaya+ kanako.”
16 Apan ngadto sa daotan ang Diyos magaingon:+
“Unsay imong katungod sa pagsaysay sa akong mga regulasyon,+
Ug nga magbaton sa akong pakigsaad sa imong baba?+
17 Tan-awa, ikaw—ikaw nagdumot sa disiplina,+
Ug ikaw nagsalikway kanunay sa akong mga pulong sa imong luyo.+
18 Sa diha nga ikaw makakita ug kawatan, ikaw nahimuot pa kaniya;+
Ug ikaw nagpakig-ambit sa mga mananapaw.+
19 Gipasagdan mo ang imong baba sa kon unsay daotan,+
Ug ang imong dila gilangkit mo kanunay sa panglimbong.+
20 Nagalingkod ka ug nagasulti batok sa kaugalingon nimong igsoon,+
Ginabutyag mo ang sayop batok sa anak sa imong inahan.+
21 Gibuhat mo kining mga butanga, ug ako nagpakahilom.+
Naghunahuna ka nga ako mahisama gayod kanimo.+
Pagabadlongon ko ikaw,+ ug pagahusayon ko ang mga butang sa atubangan sa imong mga mata.+