Ecclesiastes

10 Ang patayng mga langaw mao ang magpalang-og ug magpabulabula sa lana sa tighimog pahumot.+ Mao man usab ang mahimo sa diyutay nga kabuang ngadto sa usa kinsa bililhon sa kaalam ug sa himaya.+

2 Ang kasingkasing sa maalamon anaa sa iyang tuong kamot,+ apan ang kasingkasing sa hungog anaa sa iyang walang kamot.+ 3 Ug usab sa bisan unsang dalan nga ginalaktan sa buangbuang,+ ang iyang kasingkasing nakulangan, ug siya tino nga moingon ngadto sa tanan nga siya buangbuang.+

4 Kon ang espiritu sa usa ka magmamando motindog batok kanimo, ayaw biyai ang imong dapit,+ kay ang pagkakalma makapuypoy sa dagkong mga sala.+

5 Adunay usa ka butang nga malisod nga akong nakita ilalom sa adlaw, sama sa pagtungha sa usa ka sayop+ tungod sa usa nga anaa sa gahom:+ 6 Ang kabuang gipahimutang diha sa daghang hatag-as nga mga katungdanan,+ apan ang mga dato nagpadayon pagpuyo diha sa ubos lamang nga kahimtang.

7 Ako nakakita ug mga sulugoon nga nagsakay sa mga kabayo apan ang mga prinsipe naglakaw sa yuta nga sama sa mga sulugoon.+

8 Siya nga nagkalot ug gahong mahulog diha niana;+ ug siya nga nagaguba sa usa ka paril nga bato, usa ka halas mopaak kaniya.+

9 Siya nga nagkubkob ug mga bato magsamad sa iyang kaugalingon pinaagi niana. Siya nga nagbugha ug mga kahoy kinahanglang mag-amping niana.+

10 Kon mahabol ang usa ka puthawng himan ug walay mobaid sa sulab niini,+ nan siya mogamit sa iyang kaugalingong kusog. Mao man usab ang paggamit sa kaalam alang sa kalamposan maoy mapuslanon.+

11 Kon ang halas mopaak sa dili pa malamat,+ nan walay kapuslanan siya nga nagagamit sa dila.

12 Ang mga pulong sa baba sa maalamon nagkahulogan ug pabor,+ apan ang mga ngabil sa hungog maglamoy kaniya.+ 13 Ang sinugdanan sa mga pulong sa iyang baba maoy kabuangan,+ ug ang kataposan unya sa iyang baba maoy kabuang nga makatalagmanon. 14 Ug ang buangbuang nagasulti ug daghang pulong.+

Ang tawo wala mahibalo kon unsay mahitabo; ug sa mahitabo tapos kaniya, kinsay makasulti kaniya?+

15 Ang kahago sa mga hungog nagapaluya kanila,+ tungod kay walay nakahibalo kon unsaon pag-adto sa siyudad.+

16 Maunsa ka kaha unya, Oh yuta, kon ang imong hari usa ka batang lalaki+ ug ang imong mga prinsipe managpangaon bisan sa buntag? 17 Malipayon ikaw, Oh yuta, kon ang imong hari mao ang anak sa mga hamili ug ang imong mga prinsipe nagapangaon sa hustong panahon aron magmabaskog, dili aron sa pag-inom lamang.+

18 Tungod sa labihang pagkatapolan ang mga sagbayan mahugno, ug tungod sa pagkataspokan sa mga kamot ang balay magatulo.+

19 Ang tinapay maoy magpakatawa sa mga mamumuo, ug ang bino magpamaya sa kinabuhi;+ apan ang salapi mao ang magatubag sa tanang butang.+

20 Bisan sa imong lawak-katulganan ayaw panghimaraota ang hari,+ ug sa sulod nga mga lawak diin ikaw nagahigda ayaw panghimaraota si bisan kinsa nga dato;+ kay ang usa ka naglupad nga linalang sa kalangitan magadala sa maong tingog ug ang usa nga may mga pako magasugilon sa maong butang.+