Jonas
2 Unya si Jonas nag-ampo kang Jehova nga iyang Diyos gikan sa kahiladmang mga bahin sa isda+ 2 ug miingon:
“Tungod sa akong kasakit ako misangpit kang Jehova,+ ug siya mitubag kanako.+
Gikan sa tiyan sa Sheol ako nagpakitabang.+
Ikaw nagpatalinghog sa akong tingog.+
3 Sa dihang gitambog mo ako sa kahiladman, sa kinapusoran sa kadagatan,+
Usa ka suba milikos kanako.
Ang tanan nimong mga tinapya ug ang imong mga balod—sila milapaw kanako.+
4 Ug bahin kanako, ako miingon, ‘Giabog ako gikan sa atubangan sa imong mga mata!+
Unsaon ko pagsud-ong pag-usab sa imong balaang templo?’+
5 Gilikosan ako sa katubigan hangtod sa kalag;+ ang halawom nga katubigan milukob kanako.
Ang mga lusay nalambod sa akong ulo.
6 Nahiadto ako sa ilalom sa kabukiran.
Kon bahin sa yuta, ang mga trangka niini diha sa ibabaw nako sulod sa panahong walay tino.
Apan gikan sa gahong ikaw nagbangon sa akong kinabuhi, Oh Jehova nga akong Diyos.+
7 Sa diha nga ang akong kalag nawad-ag umoy sa sulod nako,+ si Jehova mao ang akong nahinumdoman.+
Unya ang akong pag-ampo miabot kanimo, nganha sa imong balaang templo.+
8 Kon bahin kanila nga nagsunod sa mga idolo sa kabakakan, ilang gibiyaan ang ilang kaugalingong mahigugmaong-kalulot.+
9 Apan bahin kanako, ako maghalad kanimo uban sa tingog sa pagpasalamat.+
Kon unsa ang akong gipanaad, akong pagabayran.+ Ang kaluwasan iya ni Jehova.”+
10 Unya gisugo ni Jehova ang isda, mao nga kini nagsuka kang Jonas ngadto sa mamala nga yuta.+