1 Corinto
4 Sa ingon niana isipon unta kami sa usa ka tawo ingon nga mga ubos+ ni Kristo ug mga piniyalan+ sa sagradong mga tinago+ sa Diyos. 2 Gawas pa, niining kahimtanga, ang gipangita diha sa mga piniyalan+ mao nga ang usa ka tawo makaplagang matinumanon.+ 3 Karon alang kanako gamay ra kaayong butang nga ako pagausisahon ninyo o pinaagi sa tawhanong hukmanan.+ Bisan gani ako wala mag-usisa sa akong kaugalingon. 4 Kay wala akoy namatikdan+ nga bisan unsa batok sa akong kaugalingon. Hinunoa pinaagi niini wala ako mapamatud-ing matarong, apan siya nga nagausisa kanako mao si Jehova.+ 5 Busa ayaw hukmi+ ang bisan unsa sa dili pa ang takdang panahon, hangtod nga moabot ang Ginoo,+ nga maoy magdala sa tinagong mga butang sa kangitngit ngadto sa kahayag+ ug magpadayag sa mga katuyoan sa mga kasingkasing,+ ug unya ang matag usa magadawat ug pagdayeg gikan sa Diyos.+
6 Karon, mga igsoon, kining mga butanga akong gibalhin aron ikapadapat sa akong kaugalingon ug kang Apolos+ alang sa inyong kaayohan, aron nga sa among kahimtang kamo makakat-on unta sa lagda: “Ayaw pagsaylo sa mga butang nga nahisulat,”+ aron ang tagsatagsa kaninyo dili magpaburot+ sa pagdapig sa usa batok sa usa.+ 7 Kay kinsa bay naghimo kanimo nga lahi+ sa uban? Sa pagkatinuod, unsay anaa kanimo nga wala nimo madawat?+ Kon, karon, tinuod man nga nadawat nimo kini,+ nganong ikaw manghambog+ nga daw wala nimo kini madawat?
8 Buhong na kamo, dili ba? Dato na kamo, dili ba?+ Nagsugod na kamo pagmando ingong mga hari+ nga wala kami, dili ba? Ug ako nanghinaot gayod nga kamo unta nagsugod na sa pagmando ingong mga hari, aron kami usab magmando ingong mga hari uban kaninyo.+ 9 Kay sa hunahuna ko ang Diyos nagbutang kanamong mga apostoles nga ulahi diha sa pasundayag+ ingong mga tawong natudlo sa kamatayon,+ tungod kay kami nahimong talan-awon sa teatro+ sa kalibotan, ug sa mga manulonda,+ ug sa mga tawo.+ 10 Kami mga buang+ tungod kang Kristo, apan kamo mga maalamon+ diha kang Kristo; kami mga maluya,+ apan kamo mga kusgan;+ kamo mga maayo ug dungog,+ apan kami anaa sa kaulawan.+ 11 Hangtod niining taknaa mismo kami padayon nga gigutom+ ug giuhaw+ usab ug kulang sa besti+ ug gidagmalan+ ug walay puloy-anan+ 12 ug nagbudlay,+ nga nagbuhat pinaagi sa among kaugalingong mga kamot.+ Sa dihang gisultihag pasipala, kami nanalangin;+ sa dihang gilutos, kami nag-antos;+ 13 sa dihang gidaot ang dungog, kami nangaliyupo;+ kami nahisama sa basura sa kalibotan, ang kinahig nga mga hugaw sa tanang butang, hangtod karon.+
14 Ako nagsulat niining mga butanga, dili sa pagpakaulaw kaninyo, kondili sa pagpahimangno kaninyo ingong hinigugma ko nga mga anak.+ 15 Kay bisan pa ug kamo tingali may napulo ka libong magtutudlo+ diha kang Kristo, tino nga dili daghan ang inyong amahan;+ kay diha kang Kristo Jesus ako nahimong inyong amahan pinaagi sa maayong balita.+ 16 Busa, ako nangaliyupo kaninyo, mahimong mga tigsundog kanako.+ 17 Mao kana nga akong gipadala si Timoteo nganha kaninyo,+ sanglit siya akong hinigugma ug matinumanong anak+ diha sa Ginoo; ug iyang ibutang sa inyong hunahuna ang akong mga pamaagi labot kang Kristo Jesus,+ ingon nga sa tanang dapit ako nagatudlo diha sa tanang kongregasyon.
18 Ang pipila nagpaburot+ nga daw ako sa pagkatinuod dili moanha kaninyo. 19 Apan ako moanha kaninyo sa dili-madugay, kon kabubut-on ni Jehova,+ ug akong maila, dili ang sinultihan nila nga nagpaburot, kondili ang ilang gahom. 20 Kay ang gingharian sa Diyos nahasandig dili sa sinultihan, kondili sa gahom.+ 21 Unsay gusto ninyo? Moanha ba ako kaninyo uban ang garote,+ o uban ang gugma ug kalumo sa espiritu?+