19 Niini ang Diyos miingon: “Ang imong asawa nga si Sara manganak gayod para kanimo ug batang lalaki, ug nganlan nimo siyag Isaac.*+ Ug palig-onon nako ang akong pakigsaad uban kaniya. Kini maoy walay kataposang pakigsaad ngadto sa iyang kaliwat.*+

12 Unya si Isaac nagpugas ug binhi nianang yutaa, ug nianang tuiga nakaani siyag 100 ka pilo sa iyang gipugas, kay gipanalanginan siya ni Jehova.+ 13 Siya nadato ug padayong miasenso hangtod nga siya nadato pag-ayo. 14 Nakabaton siyag mga panon sa karnero ug baka ug daghang sulugoon,+ mao nga nasina ang mga Filistehanon kaniya.