4 Ipatong niya ang iyang kamot sa ulo sa halad nga sinunog, ug dawaton kini sa Diyos aron sa pagtabon sa iyang sala.

18 Gidala niya ang laking karnero para sa halad nga sinunog, ug gipatong ni Aaron ug sa iyang mga anak ang ilang kamot sa ulo sa laking karnero.+ 19 Dayon giihaw kini ni Moises ug giwisik ang dugo niini sa tanang kilid sa halaran. 20 Gihiwahiwa niya ang laking karnero, ug gipaaso ni Moises sa halaran ang ulo, ang mga hiniwa, ug ang tambok palibot sa amimislon. 21 Gihugasan ni Moises ang mga tinai ug mga tiil, ug gipaaso niya sa halaran ang tibuok laking karnero. Kini maoy halad nga sinunog nga makapalipay* ang kahumot. Halad kini nga ginasunog para kang Jehova, sumala sa gisugo ni Jehova kang Moises.