31 “Padak-on nako ang inyong utlanan, gikan sa Pulang Dagat hangtod sa dagat sa mga Filistehanon ug gikan sa kamingawan hangtod sa Suba;*+ kay itugyan nako kaninyo ang mga nagpuyo sa yuta, ug abogon ninyo sila.+ 32 Dili mo maghimog pakigsaad uban kanila o sa ilang mga diyos.+ 33 Dili sila angayng magpuyo sa inyong yuta, aron dili mo makasala kanako tungod nila. Kon moalagad mo sa ilang mga diyos, mahimo gayod kining lit-ag kaninyo.”+

3 Ayaw pakigminyo nila. Ayaw ihatag ang inyong mga anak nga babaye sa ilang mga anak nga lalaki ug ayaw kuhaa ang ilang mga anak nga babaye para sa inyong mga anak nga lalaki.+ 4 Kay ilang hayloon ang inyong mga anak nga mohunong sa pag-alagad sa Diyos aron moalagad sa ubang mga diyos.+ Unya si Jehova masuko pag-ayo ninyo ug laglagon dayon mo niya.+

12 “Apan kon mobiya mo sa Diyos ug motapot sa mga nahibilin niining mga nasora nga naa pa+ uban ninyo ug makig-alyansa mo nila pinaagig kaminyoon+ ug makig-uban nila, 13 timan-i nga dili na ipadayon ni Jehova nga inyong Diyos ang pag-abog* niining mga nasora para kaninyo.+ Sila mahimong lit-ag ug latigo sa inyong mga kilid+ ug mga tunok sa inyong mga mata hangtod nga malaglag mo gikan niining maayong yuta nga gihatag kaninyo ni Jehova nga inyong Diyos.

2 Sa inyong bahin, kinahanglang dili mo makigsaad sa mga molupyo niining yutaa+ ug kinahanglan ninyong tumpagon ang ilang mga halaran.’+ Apan wala mo mamati nako.+ Nganong inyo ning gibuhat? 3 Busa miingon sab ko, ‘Dili nako sila pahawaon,+ ug sila maglit-ag+ kaninyo, ug matental mo sa ilang mga diyos.’”+