14 Unya ang tibuok katawhan nangreklamo, ug nanghilak sila sa tibuok gabii.+ 2 Ang tanang Israelinhon nagbagulbol batok kang Moises ug Aaron+ ug misulti batok kanila: “Maayo pag nangamatay na lang ta sa Ehipto o dinhi sa kamingawan! 3 Gidala ba ta ni Jehova niining yutaa aron lang mamatay sa espada?+ Ang atong mga asawa ug mga anak mahimong mga binihag.+ Dili ba mas maayong mamalik ta sa Ehipto?”+ 4 Miingon pa gani sila: “Magtudlo tag pangulo ug mamalik ta sa Ehipto!”+