23 Apan wala paagia ni Sihon ang Israel sa iyang teritoryo. Gitigom hinuon ni Sihon ang tibuok niyang katawhan ug gisulong ang Israel sa kamingawan. Siya nakaabot sa Jahaz ug nakig-away sa Israel.+ 24 Apan gipildi siya sa Israel pinaagig espada+ ug giilog ang iyang yuta+ gikan sa Arnon+ hangtod sa Jabok,+ duol sa mga Ammonhanon; kutob lang sila sa Jazer+ kay utlanan kini sa mga Ammonhanon.+

33 Unya sila miliko ug mitungas agi sa Dalan sa Basan. Gisugat sila ni Og+ nga hari sa Basan uban ang tibuok niyang katawhan aron makiggubat kanila sa Edrei.+ 34 Giingnan ni Jehova si Moises: “Ayawg kahadlok niya,+ kay siya, ang tibuok niyang katawhan, ug ang iyang yuta itugyan nako sa imong kamot,+ ug himoon nimo kaniya ang imong gihimo kang Sihon, ang hari sa mga Amorihanon nga nagpuyo sa Hesbon.”+ 35 Busa ilang gipatay siya, apil ang iyang mga anak ug katawhan, hangtod nga wala nay nabilin nila,+ ug ilang gipanag-iya ang iyang yuta.+