16 “Karon, sinsero ba gyod mo sa paghimo ninyo kang Abimelek nga hari+ ug husto ba ang inyong gibuhat? Nagpakita ba mog kaayo kang Jerubaal ug sa iyang panimalay ug gitratar siya sumala sa nahiangay kaniya? 17 Dihang nakig-away ang akong amahan para ninyo,+ gipameligro niya ang iyang kinabuhi* aron maluwas mo gikan sa kamot sa Midian.+ 18 Apan karon, mibatok mo sa panimalay sa akong amahan ug gipatay ang iyang 70 ka anak ibabaw sa usa ka bato.+ Unya si Abimelek, nga anak sa iyang ulipong babaye,+ gihimo ninyong hari sa mga lider sa Sekem tungod lang kay igsoon ninyo siya.