21 Si Jehova miingon kang Moises: “Sultihi ang mga saserdote, ang mga anak nga lalaki ni Aaron, ‘Kinahanglang walay maghugaw sa iyang kaugalingon tungod sa patayng tawo* taliwala sa iyang katawhan.+ 2 Apan puwede niya kanang himoon kon kini iyang duol nga paryente, iyang inahan, amahan, anak nga lalaki, anak nga babaye, igsoong lalaki, 3 ug puwede sab niyang hugawan ang iyang kaugalingon kon kini iyang igsoong babaye nga dalaga* nga nagpuyo duol niya ug wala pa maminyo.