16 Sa pagkilumkilom na, gidala sa mga tawo ngadto kaniya ang daghang gidemonyohan; ug gipalayas niya ang mga demonyo sa usa lang ka sugo ug giayo ang tanang nag-antos, 17 aron matuman ang gisulti pinaagi ni propetang Isaias: “Gikuha niya ang atong mga sakit ug gidala ang atong mga balatian.”+

32 Pagsalop sa adlaw, ang mga tawo nagdalag mga masakiton ug mga tawong gidemonyohan ngadto kaniya,+ 33 ug ang tanan sa siyudad nagtapok diha sa pultahan. 34 Busa giayo niya ang daghang tawo nga may lainlaing sakit,+ ug gipalayas ang daghang demonyo. Apan wala niya tugoti ang mga demonyo sa pagsulti, kay nahibalo sila nga siya ang Kristo.*