35 Sayo sa buntag, samtang ngitngit pa, siya mibangon ug milakaw. Miadto siya sa usa ka mingaw nga dapit, ug didto siya nag-ampo.+ 36 Apan gipangita siya ni Simon ug sa iyang mga kauban. 37 Dihang nakit-an nila siya, sila miingon: “Ang tanan nangita nimo.” 38 Apan siya miingon kanila: “Mangadto ta sa laing dapit, sa kasikbit nga mga lungsod aron makawali sab ko didto, kay mianhi ko alang niini nga katuyoan.”+