30 Nakamatikod dayon si Jesus nga may gahom+ nga migawas kaniya, ug siya milingi sa mga tawo ug miingon: “Kinsay mihikap sa akong besti?”+ 31 Ang iyang mga tinun-an miingon: “Nakita nimo nga midutdot nimo ang mga tawo, unya mangutana ka kon kinsay mihikap nimo?” 32 Apan siya mitan-aw sa palibot aron mahibaloan kon kinsay mihikap niya. 33 Ang babaye, kay nahibalo nga siya naayo, miduol ug miluhod sa iyang atubangan nga nagkurog sa kahadlok ug mitug-an sa iyang kahimtang. 34 Si Jesus miingon kaniya: “Anak, ang imong pagtuo nakapaayo kanimo. Lakaw nga malinawon,+ kay naayo na ang imong grabeng sakit.”+