21 Sukad niadto, gipatin-aw ni Jesus sa iyang mga tinun-an nga siya kinahanglang moadto sa Jerusalem ug grabeng mag-antos sa kamot sa mga ansiyano ug sa pangulong mga saserdote ug mga eskriba, ug siya patyon ug sa ikatulong adlaw banhawon.+

17 Samtang nagtungas paingon sa Jerusalem, gidala ni Jesus ang 12 ka tinun-an palayo sa mga tawo ug giingnan sila:+ 18 “Kita nagpaingon sa Jerusalem, ug ang Anak sa tawo itugyan ngadto sa pangulong mga saserdote ug sa mga eskriba. Ilang hukman siyag kamatayon+ 19 ug itugyan ngadto sa mga tawo sa kanasoran aron bugalbugalan, lapdosan, ug patyon diha sa estaka;+ ug sa ikatulong adlaw siya banhawon.”+

32 Samtang nanungas sila paingon sa Jerusalem, si Jesus nag-una kanila ug ang iyang mga tinun-an natingala, apan ang uban nga nagsunod kanila nangahadlok. Sa makausa pa, gitawag niya ang Dose ug gisultihan sila sa mga butang nga hapit nang mahitabo kaniya:+ 33 “Kita nagpaingon sa Jerusalem, ug ang Anak sa tawo itugyan ngadto sa pangulong mga saserdote ug sa mga eskriba. Ilang hukman siyag kamatayon ug itugyan ngadto sa mga tawo sa kanasoran. 34 Siya ilang bugalbugalan, luwaan, lapdosan, ug patyon. Apan human sa tulo ka adlaw, siya banhawon.”+