Salmo
105 Pagpasalamat mo kang Jehova,+ sangpita ang iyang ngalan,
Ipahibalo sa mga katawhan ang iyang mga buhat!+
3 Ipasigarbo ang iyang balaang ngalan.+
Magsadya unta ang kasingkasing niadtong mga nagapangita kang Jehova.+
4 Pangitaa si Jehova+ ug ang iyang kusog.
Pangitaa ang iyang nawong* sa kanunay.
5 Hinumdomi ang katingalahang mga buhat nga iyang gihimo,
Ang iyang mga milagro ug ang mga hukom nga iyang gipakanaog,+
6 Kamong mga kaliwat* ni Abraham nga iyang alagad,+
Kamong mga anak ni Jacob, nga iyang mga pinili.+
7 Siya si Jehova nga atong Diyos.+
Ang iyang mga hukom makita diha sa tibuok yuta.+
8 Siya mahinumdom sa iyang pakigsaad hangtod sa hangtod,+
Ang saad nga iyang gihimo,* hangtod sa usa ka libo ka kaliwatan,+
9 Ang pakigsaad nga iyang gihimo uban kang Abraham,+
Ug ang iyang gipanumpa kang Isaac,+
10 Nga iyang gilig-on ingong usa ka mando alang kang Jacob
Ug ingong usa ka pakigsaad alang sa Israel hangtod sa panahong walay tino,
11 Nga nag-ingon, “Akong ihatag kanimo ang yuta sa Canaan+
Ingong panulondon nga gigahin alang kaninyo.”+
13 Sila nagbalhinbalhin gikan sa usa ka nasod ngadto sa laing nasod,
Gikan sa usa ka gingharian ngadto sa laing katawhan.+
14 Wala niya tugoti si bisan kinsa sa pagdaogdaog kanila,+
Apan tungod kanila iyang gibadlong ang mga hari,+
15 Nga nag-ingon, “Ayaw ninyog hilabti ang akong mga dinihogan,*
Ug ayaw buhatig daotan ang akong mga propeta.”+
18 Gikadenahan* nila ang iyang mga tiil,+
Gibutangan ug puthaw nga kadena ang iyang liog;
19 Hangtod sa panahon nga natuman ang iyang gisaad,+
Ang mga pulong ni Jehova nagdalisay kaniya.
21 Gihimo niya siyang agalon sa iyang panimalay,
Tigdumala ibabaw sa tanan niyang katigayonan,+
22 Sa pagdumala* sa iyang mga prinsipe sumala sa kon unsay gusto niya
Ug sa pagtudlog kaalam ngadto sa iyang mga tigulang.+
24 Gihimo sa Diyos nga mabungahon kaayo ang iyang katawhan;+
Gihimo niya silang mas gamhanan kay sa ilang mga kaaway,+
25 Kansang kasingkasing gitugotan niyang mabag-o aron dumtan nila ang iyang katawhan,
Aron magplanog daotan batok sa iyang mga alagad.+
33 Gihampak niya ang ilang ubasan ug mga kahoyng igos
Ug gipamukan ang mga kahoy sa ilang teritoryo.
35 Gipangaon nila ang tanang tanom sa yuta,
Ug gihurot nila ang abot sa yuta.
36 Unya gipatay niya ang tanang panganay sa ilang yuta,+
Ang unang bunga sa ilang katakos sa pagsanay.
37 Gipagawas niya ang iyang katawhan nga may plata ug bulawan;+
Ug walay usa sa iyang mga tribo ang natumba.
41 Gibuka niya ang usa ka bato, ug mibugwak ang katubigan;+
Kini midagayday agi sa desyerto samag suba.+
42 Kay wala niya kalimti ang iyang balaang saad kang Abraham nga iyang alagad.+
43 Busa gipagawas niya ang iyang katawhan uban ang kasadya,+
Ang iyang mga pinili uban ang hugyaw sa kalipay.
44 Gihatag niya kanila ang kayutaan sa mga nasod;+
Ilang napanunod ang hinagoan sa ubang mga katawhan.+
Dayega si Jah!*