Salmo
Ngadto sa direktor; sa tono sa “Ang mga Lirio.” Salmo ni David.
69 Luwasa ko, Oh Diyos, kay ang katubigan nagpameligro sa akong kinabuhi.+
2 Naunlod ko sa lawom nga lapok, diin wala koy katumban.+
Naadto ko sa lawom nga katubigan,
Ug gianod ko sa nagbul-og nga tubig sa sapa.+
Nangluyloy na ang akong mga mata samtang naghulat sa akong Diyos.+
Kadtong gustong mopatay kanako,
Ang akong maluibong mga kaaway,* midaghan.
Gipugos ko nila sa pag-uli sa mga butang nga wala nako kawata.
5 Oh Diyos, nahibalo ka sa akong kabuangan,
Ug ang akong pagkasad-an wala matago kanimo.
6 Hinaot nga kadtong mga nagalaom kanimo dili maulawan tungod kanako,
Oh Soberanong Ginoo, Jehova sa mga panon.
Hinaot nga kadtong mga nagapangita kanimo dili mapaubos tungod kanako,
Oh Diyos sa Israel.
8 Nahimo kong estranyo ngadto sa akong mga igsoon,
Usa ka langyaw ngadto sa mga anak sa akong inahan.+
9 Ang akong kasibot alang sa imong balay nagdilaab,+
Ug naagoman nako ang mga pagtamay niadtong mga nagatamay kanimo.+
12 Ako ang ginasumsoman niadtong mga naglingkod sa ganghaan sa siyudad,
Ug ako ang ginatumong sa mga palahubog sa ilang mga awit.
Sa kadagaya sa imong maunongong gugma, Oh Diyos,
Tubaga ko pinaagi sa imong kasaligang mga buhat sa pagluwas.+
14 Luwasa ko gikan sa huyonghuyong;
Ayawg itugot nga maunlod ko.
Luwasa ko gikan sa mga nagdumot kanako
Ug gikan sa lawom nga katubigan.+
16 Tubaga ko, Oh Jehova, kay ang imong maunongong gugma maayo.+
Hatagi kog pagtagad sumala sa imong dagayang kaluoy,+
Tubaga dayon ko, kay ania ko sa kalisdanan.+
18 Paduol kanako ug luwasa ko;
Tubsa ko tungod sa akong mga kaaway.
19 Nahibalo ka kon giunsa ko pagtamay ug pagpakaulaw ug pagpaubos.+
Nakita nimo ang tanan nakong kaaway.
20 Ang pagtamay nakapahugno sa akong kasingkasing, ug ang samad dili maalim.*
Naglaom ko nga dunay mosimpatiya, apan wala koy nadawat,+
Naglaom ko nga dunay mohupay, apan wala koy nakaplagan.+
23 Mongitngit unta ang ilang mga mata aron dili sila makakita,
Ug pakuroga kanunay ang ilang mga bat-ang.
26 Kay gigukod nila ang usa nga imong gihampak,
Ug padayon nilang ginaasoy ang kasakitan niadtong imong gisamdan.
27 Dugangig pagkasad-an ang ilang pagkasad-an,
Ug dili unta sila makaambit sa imong pagkamatarong.
28 Hinaot mapapas sila sa basahon sa mga buhi,*+
Ug hinaot ang ilang mga ngalan dili masulat uban sa mga matarong.+
29 Apan ako sinakit ug nasakitan.+
Hinaot ang imong gahom sa pagluwas, Oh Diyos, manalipod kanako.
30 Mag-awit kog mga pagdayeg sa ngalan sa Diyos,
Ug himayaon nako siya uban ang pagpasalamat.
31 Kini makapalipay kang Jehova labaw pa kay sa torong baka,
Labaw pa sa toreyong baka nga dunay mga sungay ug kuko.+
32 Ang mga maaghop* makakita niini ug magsadya.
Kamo nga nangita sa Diyos, hinaot malig-on ang inyong kasingkasing.