Salmo
Ngadto sa direktor. Salmo sa mga anak ni Kore.+ Sumala sa estilo sa Alamot.*
46 Ang Diyos mao ang atong kusog ug dangpanan,+
Usa ka tabang nga daling makaplagan panahon sa kasakitan.+
2 Mao nga dili kita mahadlok, bisan pag ang yuta makasinatig kausaban,
Bisan pag ang kabukiran mahugno ug maunlod sa kinailadman sa dagat,+
3 Bisan pag ang katubigan niini modaguok ug mobula,+
Bisan pag ang kabukiran mauyog tungod sa pagdahunog niini. (Selah)
4 Dunay suba nga ang mga sanga niini makapalipay sa siyudad sa Diyos,+
Ang balaan nga dakong tabernakulo sa Labing Hataas.
5 Ang Diyos anaa sa siyudad;+ kini dili mapukan.
Ang Diyos motabang niana sa pagbanagbanag.+
6 Ang mga nasod nagkaguliyang, ang mga gingharian nangapukan;
Gipalanog niya ang iyang tingog, ug ang yuta natunaw.+
7 Si Jehova sa mga panon nagauban kanato;+
Ang Diyos ni Jacob maoy atong luwas nga dangpanan.* (Selah)
8 Dali ug tan-awa ang mga kalihokan ni Jehova,
Kon giunsa niya paghimo ang makapahingangha nga mga butang sa yuta.
9 Gipahunong niya ang mga gubat sa tibuok yuta.+
Gibali niya ang pana ug giputolputol ang bangkaw;
Gisunog niya ang mga karomata nga panggubat.*
10 “Hunong na mo ug ilha nga ako Diyos.