Jeremias
12 Matarong ka, Oh Jehova,+ dihang duna koy ireklamo kanimo,
Dihang makigsulti ko nimo bahin sa mga butang maylabot sa hustisya.
Apan nganong ang dalan sa mga daotan nagmalamposon,+
Ug nganong ang mga maluibon wala mabalaka?
2 Gitanom nimo sila, ug sila migamot.
Sila mitubo ug namunga.
Kanunay silang mosulti bahin kanimo, apan layo ka sa ilang kinasulorang mga hunahuna.*+
3 Apan nakaila ka pag-ayo kanako, Oh Jehova,+ nakita ko nimo;
Nasusi nimo ang akong kasingkasing ug nakita nimo nga kini nahiusa kanimo.+
Kuhaa ug dad-a sila samag mga karnero nga ihawonon,
Ug ilain sila alang sa adlaw sa pagpatay.
Tungod sa pagkadaotan sa mga nagpuyo niini,
Ang mga mananap ug ang mga langgam nangapuo.
Kay sila miingon: “Siya dili makakita sa mahitabo kanato.”
Bisan pag duna kay pagsalig sa malinawong yuta,
Unsa may imong mahimo kon anaa ka taliwala sa bagang kalibonan ubay sa Jordan?
Sila nagsinggit ug kusog batok kanimo.
Ayawg tuo kanila,
Bisan pag nagsulti silag maayong mga butang kanimo.
7 “Gibiyaan nako ang akong balay;+ gipasagdan nako ang akong panulondon.+
Gitugyan nako ang akong hinigugma ngadto sa kamot sa iyang mga kaaway.+
8 Ang akong panulondon nahisamag leyon sa lasang alang kanako.
Siya mingulob batok kanako.
Busa gidumtan nako siya.
9 Ang akong panulondon nahisamag langgam nga mandadagit nga lainlaig kolor* alang kanako;
Gipalibotan kini sa ubang mga langgam nga mandadagit ug giatake kini.+
Ari kamo, pagtigom kamong tanang mananap sa yuta,
Ari mo aron mangaon.+
Ilang gihimong awaaw nga kamingawan ang akong maayong yuta.
11 Kini nahimong umaw nga yuta.
Ang tibuok yuta gihimong awaaw,
Apan walay naghatag ug pagtagad.+
12 Ang mga tiglaglag nangabot diha sa tanang nadaot nga agianan sa kamingawan,
Kay ang espada ni Jehova nagapanglaglag gikan sa usa ka tumoy sa yuta hangtod sa pikas tumoy.+
Walay pakigdait alang kang bisan kinsa.*
13 Sila nagpugas ug trigo, apan sampinit ang ilang naani.+
Gihago nila ang ilang kaugalingon, apan wala silay nakuhang kaayohan.
Sila mangaulaw sa ilang mga abot
Tungod sa nagsilaob nga kasuko ni Jehova.”
14 Kini ang giingon ni Jehova batok sa tanan nakong daotang silingan, nga nanghilabot sa panulondon nga akong gihatag sa akong katawhang Israel:+ “Ania, lukahon nako sila gikan sa ilang yuta,+ ug lukahon nako ang panimalay ni Juda gikan sa ilang taliwala. 15 Apan human nakog luka kanila, kaluy-an nako sila ug ibalik nako sa matag usa kanila ang iyang panulondon ug ang iyang yuta.”
16 “Ug kon sila magkat-on gayod sa mga dalan sa akong katawhan ug manumpa sa akong ngalan, ‘Ingon nga si Jehova buhi!’ sama nga ilang gitudloan ang akong katawhan sa pagpanumpa sa ngalan ni Baal, sila mahimong bahin sa akong katawhan. 17 Apan kon dunay nasod nga dili motuman, lukahon ug laglagon usab nako kana,” miingon si Jehova.+