Unang Cronicas

25 Dugang pa, gilain ni David ug sa mga pangulo sa mga grupo sa pag-alagad ang ubang anak nga lalaki ni Asap, Heman, ug Jedutun+ aron mag-alagad pinaagi sa pagpanagna nga dinuyogag mga alpa, dekuwerdas nga mga instrumento,+ ug mga simbal.+ Ang talaan sa tinudlong mga lalaki alang niini nga pag-alagad mao kini, 2 sa mga anak ni Asap: si Zacur, Jose, Netanias, ug Asarela, ang mga anak ni Asap nga ubos sa pagdumala ni Asap, kinsa nanagna ubos sa pagdumala sa hari. 3 Kang Jedutun,+ ang mga anak ni Jedutun: si Gedalias, Zeri, Jesaias, Simei, Hasabias, ug Matitias,+ unom, ubos sa pagdumala sa ilang amahan nga si Jedutun, kinsa nanagna nga dinuyogag alpa, nga nagpasalamat ug nagdayeg kang Jehova.+ 4 Kang Heman,+ ang mga anak ni Heman: si Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Maloti, Hotir, ug Mahaziot. 5 Kini silang tanan mga anak ni Heman, nga bisyonaryo* sa hari maylabot sa mga mensahe sa matuod nga Diyos alang sa iyang himaya;* busa ang matuod nga Diyos naghatag kang Heman ug 14 ka anak nga lalaki ug 3 ka anak nga babaye. 6 Kini silang tanan ubos sa pagdumala sa ilang amahan sa pag-awit diha sa balay ni Jehova, nga dinuyogag mga simbal, dekuwerdas nga mga instrumento, ug mga alpa+ alang sa pag-alagad sa balay sa matuod nga Diyos.

Ubos sa pagdumala sa hari mao si Asap, Jedutun, ug Heman.

7 Sila ug ang ilang mga igsoon​—288 tanan—​maoy batid nga mga mag-aawit nga gibansay sa pag-awit alang kang Jehova. 8 Busa sila nagripa*+ labot sa ilang mga buluhaton, ang tigulang ug batan-on, ang batid uban ang nagakat-on pa.

9 Ang unang ripa natunong kang Asap alang kang Jose,+ ang ikaduha alang kang Gedalias+ (siya ug ang iyang mga igsoon ug ang iyang mga anak, 12); 10 ang ikatulo alang kang Zacur,+ sa iyang mga anak ug mga igsoon, 12; 11 ang ikaupat alang kang Izri, sa iyang mga anak ug mga igsoon, 12; 12 ang ikalima alang kang Netanias,+ sa iyang mga anak ug mga igsoon, 12; 13 ang ikaunom alang kang Bukias, sa iyang mga anak ug mga igsoon, 12; 14 ang ikapito alang kang Jesarela, sa iyang mga anak ug mga igsoon, 12; 15 ang ikawalo alang kang Jesaias, sa iyang mga anak ug mga igsoon, 12; 16 ang ikasiyam alang kang Matanias, sa iyang mga anak ug mga igsoon, 12; 17 ang ika-10 alang kang Simei, sa iyang mga anak ug mga igsoon, 12; 18 ang ika-11 alang kang Azarel, sa iyang mga anak ug mga igsoon, 12; 19 ang ika-12 alang kang Hasabias, sa iyang mga anak ug mga igsoon, 12; 20 ang ika-13 alang kang Subael,+ sa iyang mga anak ug mga igsoon, 12; 21 ang ika-14 alang kang Matitias, sa iyang mga anak ug mga igsoon, 12; 22 ang ika-15 alang kang Jeremot, sa iyang mga anak ug mga igsoon, 12; 23 ang ika-16 alang kang Hananias, sa iyang mga anak ug mga igsoon, 12; 24 ang ika-17 alang kang Josbekasa, sa iyang mga anak ug mga igsoon, 12; 25 ang ika-18 alang kang Hanani, sa iyang mga anak ug mga igsoon, 12; 26 ang ika-19 alang kang Maloti, sa iyang mga anak ug mga igsoon, 12; 27 ang ika-20 alang kang Eliata, sa iyang mga anak ug mga igsoon, 12; 28 ang ika-21 alang kang Hotir, sa iyang mga anak ug mga igsoon, 12; 29 ang ika-22 alang kang Gidalti,+ sa iyang mga anak ug mga igsoon, 12; 30 ang ika-23 alang kang Mahaziot,+ sa iyang mga anak ug mga igsoon, 12; 31 ang ika-24 alang kang Romamti-ezer,+ sa iyang mga anak ug mga igsoon, 12.