Salmo

 2 Manuol ta sa iyang presensiya* uban ang pagpasalamat;+

Mag-awit ta ug maninggit sa kadaogan alang kaniya.

 3 Kay si Jehova maoy bantogan nga Diyos,

Bantogan nga Hari ibabaw sa tanang ubang diyos.+

 4 Ang mga kahiladman sa yuta anaa sa iyang kamot;

Iyaha ang mga taluktok sa kabukiran.+

 5 Iyaha ang dagat, nga iyang gibuhat,+

Ug pinaagi sa iyang mga kamot, giumol niya ang mala nga yuta.+

 6 Dali kamo, mosimba ta ug moyukbo;

Moluhod ta sa atubangan ni Jehova nga atong Magbubuhat.+

 7 Kay siya ang atong Diyos,

Ug kita ang katawhan sa iyang sibsibanan,

Ang mga karnero nga iyang giatiman.*+

Karong adlawa kon mamati mo sa iyang tingog,+

 8 Ayaw patig-aha ang inyong kasingkasing sama sa nahitabo sa Meriba,*+

Sama sa nahitabo sa Masah* sa kamingawan,+

 9 Dihang gisulayan ko sa inyong mga katigulangan;+

Ila kong gihagit, bisag nakita na nila ang akong mga buhat.+

“Sila maoy katawhan kansang kasingkasing kanunayng masukihon;

Wala sila mosubay sa akong mga dalan.”