Ngadto sa direktor; duyogan sa dekuwerdas nga mga instrumento sa tono sa Sheminith. Salmo ni David.
6 Oh Jehova, ayaw kog badlonga uban ang kasuko,
Ug ayaw kog tul-ira uban ang kapungot.+
2 Kaluy-i ko, Oh Jehova, kay ako nagakahuyang.
Ayoha ko, Oh Jehova,+ kay ang akong kabukogan nangurog.
3 Oo, ako nahasol pag-ayo;+
Ug ako mangutana kanimo, Oh Jehova—hangtod kanus-a kini?+
4 Balik, Oh Jehova, ug luwasa ko;+
Luwasa ko tungod sa imong maunongong gugma.+
5 Kay ang mga patay dili maghisgot kanimo;
Sa Lubnganan, kinsay modayeg kanimo?+
6 Naluya ko tungod sa akong pagpanghupaw;+
Sa tibuok gabii gihumod nako sa mga luha ang akong higdaanan;
Nabahaan ang akong kama tungod sa akong paghilak.+
7 Nangluyloy ang akong mata tungod sa grabeng kaguol;+
Mihalap kini tungod sa tanang nagaatake kanako.
8 Pahilayo kanako, kamong tanan nga nagabuhat ug pagkadaotan,
Kay si Jehova magpatalinghog sa tingog sa akong paghilak.+
9 Si Jehova magpatalinghog sa akong hangyo alang sa pabor;+
Tubagon ni Jehova ang akong pag-ampo.
10 Ang tanan nakong kaaway maulawan ug mahigawad;
Sila kalit nga mangatras tungod sa kaulaw.+