Jeremias
50 Kini ang mensahe ni Jehova bahin sa Babilonya,+ bahin sa yuta sa mga Caldeanhon, pinaagi kang propetang Jeremias:
2 “Ipahayag kini taliwala sa kanasoran ug imantala kini.
Ipataas ang usa ka ilhanan* ug imantala kini.
Ayawg itago ang bisan unsa!
Sulti, ‘Ang Babilonya nabihag.+
Si Bel gipakaulawan.+
Si Merodak nalisang.
Ang iyang mga larawan gipakaulawan.
Ang iyang makaluod nga mga idolo* nangalisang.’
3 Kay usa ka nasod ang miabot batok kaniya gikan sa amihanan.+
Kini naghimo sa iyang yuta nga kahadlokan;
Walay nagpuyo kaniya.
Ang tawo ug ang mananap mikalagiw;
Sila mipahilayo.”
4 “Nianang mga adlawa ug nianang panahona,” miingon si Jehova, “ang katawhan sa Israel ug ang katawhan sa Juda magdungan ug abot.+ Sila manghilak samtang naglakaw,+ ug sila mangita kang Jehova nga ilang Diyos.+ 5 Sila mangutana sa dalan paingon sa Zion, nga mag-atubang sa maong direksiyon,+ nga mag-ingon, ‘Ari mo ug ibugkos nato ang atong kaugalingon kang Jehova diha sa usa ka walay kataposang pakigsaad nga dili malimtan.’+ 6 Ang akong katawhan nahimong panon sa nawala nga mga karnero.+ Ang ilang mga magbalantay nagpahisalaag kanila.+ Ila silang gigiyahan ngadto sa kabukiran ug sila naglatagaw sa kabukiran ug kabungtoran. Nalimtan nila ang ilang pahulayanan. 7 Gilamoy sila sa tanang nakakaplag kanila,+ ug ang ilang mga kaaway miingon, ‘Dili mi sad-an, kay sila nakasala kang Jehova, batok sa puy-anan sa pagkamatarong ug sa paglaom sa ilang mga katigulangan, si Jehova.’”
8 “Kalagiw mo gikan sa taliwala sa Babilonya,
Gula mo sa yuta sa mga Caldeanhon,+
Ug pagpakasama mo sa mga hayop nga nag-una sa panon.
9 Kay ania, ipatungha nako ug ipadala batok sa Babilonya
Ang pundok sa dagkong kanasoran gikan sa yuta sa amihanan.+
Sila moabot batok kaniya nga naghan-ay sa pagpakiggubat;
Gikan didto siya mabihag.
Ang ilang mga pana maoy sama nianang sa usa ka manggugubat
Nga nagapamatay sa mga anak;+
Sila dili mobalik nga walay resulta.
10 Ang Caldea mahimong inagaw.+
Ang tanan nga manguha sa iyang mga butang matagbaw pag-ayo,”+ miingon si Jehova.
Kay nagpanikad mo samag nating baka sa kabalilihan,
Ug nagbahihi mo samag mga laking kabayo.
12 Ang inyong inahan naulawan pag-ayo.+
Siya nga nanganak kaninyo nahigawad.
Tan-awa! Siya ang kinaubsan sa kanasoran,
Usa ka kamingawan nga walay tubig ug usa ka desyerto.+
15 Sa iyang palibot, singgit mog usa ka singgit sa pakiggubat batok kaniya.
Siya misurender na.*
Panimasli ninyo siya.
Buhata kaniya ang sama sa iyang gibuhat.+
Tungod sa pintas nga espada, ang matag usa mobalik sa iyang katawhan,
Ang matag usa mokalagiw ngadto sa iyang yuta.+
17 “Ang katawhan sa Israel samag natibulaag nga mga karnero.+ Gipatibulaag sila sa mga leyon.+ Una, sila gitukob sa hari sa Asirya;+ dayon gikitkit ni Haring Nabucodonosor* sa Babilonya ang ilang mga bukog.+ 18 Busa kini ang giingon ni Jehova sa mga panon, ang Diyos sa Israel: ‘Ania, silotan nako ang hari sa Babilonya ug ang iyang yuta sa samang paagi nga gisilotan nako ang hari sa Asirya.+ 19 Ug dad-on nakog balik ang Israel ngadto sa iyang sibsibanan,+ ug siya manibsib sa Carmelo ug sa Basan,+ ug matagbaw siya sa kabukiran sa Epraim+ ug Gilead.’”+
20 “Nianang mga adlawa ug nianang panahona,” miingon si Jehova,
“Ang pagkasad-an sa Israel pangitaon,
Apan walay makit-an,
Ug ang mga sala sa Juda dili makaplagan,
Kay pasayloon nako kadtong gitugotan nakong mahibilin.”+
21 “Tungas batok sa yuta sa Merataim ug batok sa mga molupyo sa Pekod.+
Tugoti nga sila pamatyon ug bug-os nga malaglag,”* miingon si Jehova.
“Buhata ang tanan nga akong gisugo kanimo.
22 Dunay dinahunog sa pagpakiggubat diha sa yuta,
Usa ka dakong katalagman.
23 Ang maso nga nagadugmok sa kanasoran sa tibuok yuta naputol ug nadaot gayod!+
Ang Babilonya nahimo gayong kahadlokan taliwala sa kanasoran!+
24 Ako naglit-ag kanimo, ug nabitik ka, Oh Babilonya,
Ug wala ka mahibalo niini.
Nakaplagan ka ug nadakpan,+
Kay kang Jehova ka nakigbatok.
25 Gibuksan ni Jehova ang iyang balay-tipiganan,
Ug iyang gipagula ang mga hinagiban sa iyang kasuko.+
Kay ang Soberanong Ginoo, si Jehova sa mga panon, dunay buluhaton
Sa yuta sa mga Caldeanhon.
26 Pangadto mo batok kaniya gikan sa lagyong dapit.+
Buksi ang iyang mga kamalig.+
Pundoka siya samag tapok sa lugas.
Hinaot nga walay mahibilin kaniya.
Alaot sila, kay ang ilang adlaw miabot na,
Ang panahon sa paghukom kanila!
28 Dunay tingog niadtong mga nangalagiw,
Niadtong nangikyas gikan sa yuta sa Babilonya,
Aron ipahayag sa Zion ang panimalos ni Jehova nga atong Diyos,
Ang panimalos alang sa iyang templo.+
Pagkampo mo palibot kaniya; ayawg tugoting may makaikyas.+
Basli siya sumala sa iyang mga buhat.+
Himoa kaniya ang sama sa iyang gihimo.
Kay siya nagmapahitas-on batok kang Jehova,
Batok sa Balaang Usa sa Israel.+
30 Busa ang iyang mga batan-ong lalaki mangapukan diha sa iyang mga plasa,+
Ug ang tanan niyang sundalo mangamatay* nianang adlawa,” miingon si Jehova.
31 “Tan-awa! Ako batok kanimo,+ ikaw nga rebelyoso,”+ miingon ang Soberanong Ginoo, si Jehova sa mga panon,
“Kay ang imong adlaw moabot gayod, ang panahon nga papanubagon ka nako.
Daoban nako ang imong mga siyudad,
Ug lamyon niini ang tanan sa imong palibot.”
33 Kini ang giingon ni Jehova sa mga panon:
“Ang katawhan sa Israel ug Juda gidaogdaog,
Ug wala sila buhii niadtong tanang nagbihag kanila.+
Wala nila sila palakwa.+
34 Apan ang ilang Manlulukat kusgan.+
Jehova sa mga panon ang iyang ngalan.+
Labanan gayod niya ang ilang kaso,+
Aron mahatagan ug pahulay ang yuta+
Ug samokon ang mga molupyo sa Babilonya.”+
35 “Dunay espada batok sa mga Caldeanhon,” miingon si Jehova,
“Batok sa mga molupyo sa Babilonya ug batok sa iyang mga prinsipe ug sa iyang mga maalamon.+
36 Dunay espada batok sa mga tigsultig walay pulos,* ug sila molihok nga binuangbuang.
Dunay espada batok sa iyang mga manggugubat, ug sila mangalisang.+
37 Dunay espada batok sa ilang mga kabayo ug sa ilang mga karong panggubat,
Ug batok sa tanang nasagol nga langyaw sa iyang taliwala,
Ug sila mahisamag mga babaye.+
Dunay espada batok sa iyang mga bahandi, ug kini pagaagawon.+
38 Dunay dakong kadaot diha sa iyang katubigan, ug kini mahubsan.+
Kay kini yuta sa mga kinulit nga larawan,+
Ug tungod sa ilang makalilisang nga mga panan-awon sila nagpadayon sa paglihok nga binuangbuang.
39 Busa ang mga linalang sa desyerto mopuyo uban sa nagauwang nga mga mananap,
Ug mopuyo diha kaniya ang mga ostrich.+
Siya dili na gayod puy-an pag-usab,
Ug dili na siya mahimong puy-anan latas sa tanang kaliwatan.”+
40 “Sama nga gipukan sa Diyos ang Sodoma ug ang Gomora+ ug ang ilang silingang mga lungsod,”+ miingon si Jehova, “walay mopuyo didto ug walay mobalhin didto aron mopuyo.+
41 Tan-awa! Usa ka katawhan ang moabot gikan sa amihanan;
Pagabangonon ang usa ka dakong nasod ug ang bantogang mga hari+
Gikan sa kinalay-ang mga bahin sa yuta.+
42 Sila naggamit ug pana ug salapang.+
Sila bangis ug dili maluoy.+
Ang ilang tingog samag nagdaguok nga dagat,+
Samtang nagsakay sila sa ilang mga kabayo.
Nahiusa sila sa pagpakiggubat kanimo, Oh anak nga babaye sa Babilonya.+
Ang kasakit mihakgom kaniya,
Kasakit nga sama nianang sa usa ka babayeng nanganak.
44 “Tan-awa! Dunay mogula nga samag leyon gikan sa bagang kalibonan ubay sa Jordan ug iyang atakehon ang luwas nga mga sibsibanan, apan sa daklit lang palayason nako sila gikan kaniya. Ug itudlo nako ibabaw kaniya ang usa nga gipili.+ Kay kinsa ang sama kanako, ug kinsa ang mohagit kanako? Kinsa nga magbalantay ang makabarog sa akong atubangan?+ 45 Busa patalinghogi ninyo ang desisyon* ni Jehova batok sa Babilonya+ ug kon unsay iyang gihunahuna batok sa yuta sa mga Caldeanhon.
Ang mga nating karnero sa panon pangguyoron gayod.
Ang ilang pinuy-anan himoon niyang biniyaan tungod kanila.+