Jeremias
49 Alang sa mga Ammonhanon,+ kini ang giingon ni Jehova:
“Wala bay mga anak ang Israel?
Wala ba siyay manununod?
Nganong gipanag-iya man ni Malcam+ ang Gad?+
Ug nganong ang iyang katawhan man ang nagpuyo sa mga siyudad sa Israel?”
2 “‘Busa tan-awa! ang mga adlaw moabot,’ miingon si Jehova,
‘Dihang ipadungog nako ang pasidaan sa gubat* batok sa Raba+ sa mga Ammonhanon.+
Siya mahimong bungdo sa kagun-oban,
Ug ang mga lungsod nga sakop* niya pagasunogon.’
‘Ug mapanag-iya sa Israel ang kayutaan niadtong mga nangilog sa iyang kayutaan,’+ miingon si Jehova.
3 ‘Pagminatay, Oh Hesbon, kay ang Ai gilaglag!
Singgit, Oh mga lungsod nga sakop sa Raba.
Pagsul-ob ug sakong panapton.
Pagminatay ug paglibotlibot sa mga toril nga bato,*
Kay si Malcam madestiyero,
Kauban sa iyang mga saserdote ug mga prinsipe.+
4 Nganong gipanghambog nimo ang imong mga patag,*
Ang imong tabunok* nga kapatagan, Oh dili matinumanong anak nga babaye,
Kinsa nagasalig sa iyang mga bahandi
Ug nag-ingon: “Kinsa ang moanhi batok kanako?”’”
5 “‘Ania, ipahinabo nako kanimo ang usa ka makalilisang nga butang,’ miingon ang Soberanong Ginoo, si Jehova sa mga panon,
‘Gikan sa tanang anaa sa imong palibot.
Kamo mangatibulaag sa tanang direksiyon,
Ug walay magtigom niadtong mga mangalagiw.’”
6 “‘Apan human niana akong tigomon ang mga nabihag sa mga Ammonhanon,’ miingon si Jehova.”
7 Alang sa Edom, kini ang giingon ni Jehova sa mga panon:
“Wala na bay bisan unsang kaalam sa Teman?+
Nahanaw na ba ang maayong tambag gikan niadtong may pagsabot?
Nadunot na ba ang ilang kaalam?
8 Kalagiw ug pangatras mo!
Pangadto mo ug panago sa ubos nga mga dapit, Oh mga molupyo sa Dedan!+
Kay pahamtangan nakog katalagman si Esau
Sa panahon nga silotan na nako siya.
9 Kon manganha kanimo ang mga tigpamupo ug ubas,
Dili ba magbilin pa silag hagdawonon?
Kon sa kagabhion moabot ang mga kawatan,
Ang ilang gusto mao ray ilang kuhaon.+
10 Apan akong huboan si Esau.
Akong buksan ang iyang mga tagoanan,
Aron dili siya makatago.
11 Biyai ang imong mga bata nga wala nay amahan,
Ug tipigan nako silang buhi,
Ug ang imong mga babayeng balo mosalig kanako.”
12 Kay kini ang giingon ni Jehova: “Tan-awa! Kon kadtong wala sentensiyahi nga moinom sa kopa kinahanglang moinom niini, pasagdan lang ba nga dili ka masilotan? Dili ka pasagdang dili masilotan, kay kinahanglan kang moinom niini.”+
13 “Kay nanumpa ko sa akong kaugalingon,” miingon si Jehova, “nga ang Bozra mahimong kahadlokan,+ kaulawan, kagun-oban, ug tunglo; ug ang tanan niyang siyudad mahimong kagun-oban hangtod sa hangtod.”+
14 Nakadungog kog mensahe gikan kang Jehova,
Usa ka mensahero ang gipadala ngadto sa kanasoran, nga nag-ingon:
“Pagtigom mo ug sulonga siya;
Pangandam mo sa pagpakiggubat.”+
16 Gilimbongan ka sa kahadlok nga imong gipahinabo
Ug sa pagkamapahitas-on sa imong kasingkasing,
Oh ikaw nga nagpuyo sa habog nga pangpang,
Nga nagpuyo sa kinahabogang bungtod.
Bisan pag magsalag ka sa itaas samag agila,
Ipaubos ka nako gikan didto,” miingon si Jehova.
17 “Ug ang Edom mahimong dapit nga kahadlokan.+ Ang tanang moagi kaniya motutok sa kahadlok ug motamay* tungod sa tanan niyang hampak. 18 Sama sa pagkapukan sa Sodoma ug Gomora ug sa ilang silingang mga lungsod,”+ miingon si Jehova, “walay mopuyo didto ug walay mobalhin didto aron mopuyo.+
19 “Tan-awa! Dunay mogula nga samag leyon+ gikan sa bagang kalibonan ubay sa Jordan ug iyang atakehon ang luwas nga mga sibsibanan, apan sa daklit lang palayason nako siya* gikan kaniya. Ug itudlo nako ibabaw kaniya ang usa nga gipili. Kay kinsa ang sama kanako, ug kinsa ang mohagit kanako? Kinsa nga magbalantay ang makabarog sa akong atubangan?+ 20 Busa patalinghogi ninyo ang desisyon* ni Jehova batok sa Edom ug kon unsay iyang gihunahuna batok sa mga molupyo sa Teman:+
Ang mga nating karnero sa panon pangguyoron gayod.
Ang ilang pinuy-anan himoon niyang biniyaan tungod kanila.+
21 Sa dinahunog sa ilang pagkapukan, ang yuta nauyog.
Dunay pagsinggit!
Ang tingog nadungog hangtod sa Pulang Dagat.+
Nianang adlawa, ang kasingkasing sa mga manggugubat sa Edom
Mahisama sa kasingkasing sa babayeng nanganak.”
“Ang Hamat+ ug ang Arpad gipakaulawan,
Kay daotan ang balita nga ilang nadungog.
Naluya sila sa kahadlok.
Ang dagat baloron kaayo ug kini dili molinaw.
24 Ang Damasco nawad-ag kaisog.
Siya mikalagiw, apan gihakgom siya sa kalisang.
Gihakop siya sa kabalaka ug kasakit,
Samag babayeng nanganak.
25 Naunsa nga wala man biyai ang siyudad sa pagdayeg,
Ang lungsod sa kasadya?
26 Kay ang iyang mga batan-ong lalaki mapukan diha sa iyang mga plasa,
Ug ang tanang sundalo mahanaw nianang adlawa,” miingon si Jehova sa mga panon.
28 Bahin sa Kedar+ ug sa mga gingharian sa Hazor, nga gipamukan ni Haring Nabucodonosor* sa Babilonya, kini ang giingon ni Jehova:
“Bangon, tungas mo sa Kedar,
Ug laglaga ang mga anak sa Sidlakan.
29 Ang ilang mga tolda ug mga panon sa kahayopan panguhaon,
Ang ilang mga telang pangtolda ug ang tanan nilang butang.
Ang ilang mga kamelyo panguhaon,
Ug sila mosinggit kanila, ‘Dunay kalisang sa tibuok palibot!’”
30 “Kalagiw mo, adto sa layo!
Pangadto mo ug panago sa ubos nga mga dapit, Oh mga molupyo sa Hazor,” miingon si Jehova.
“Kay si Haring Nabucodonosor* sa Babilonya naghimog estratehiya batok kaninyo,
Ug siya naghimog plano batok kaninyo.”
31 “Panindog mo, tungas batok sa nasod nga anaa sa kalinaw,
Nga nagpuyo sa kasegurohan!” miingon si Jehova.
“Kini walay mga sira o trangka; sila nagpuyo nga silasila ra.
32 Ang ilang mga kamelyo mahimong inagaw,
Ug ang daghan nilang kahayopan mahimong sinakmit.
Patibulaagon nako sila sa tanang direksiyon,*
Kadtong nagbalbas sa ilang buhok sa tampihak,+
Ug pahamtangan nako silag katalagman gikan sa tanang direksiyon,” miingon si Jehova.
33 “Ug ang Hazor mahimong puy-anan sa mga irong ihalas,
Nga maawaaw hangtod sa hangtod.
Walay mopuyo didto,
Ug walay mobalhin didto aron mopuyo.”
34 Kini ang mensahe nga nadawat ni propetang Jeremias gikan kang Jehova bahin sa Elam+ sa sinugdanan sa pagmando ni Haring Zedekias+ sa Juda: 35 “Kini ang giingon ni Jehova sa mga panon, ‘Ania, balion nako ang pana sa Elam,+ ang tinubdan* sa ilang pagkagamhanan. 36 Ipadala nako batok sa Elam ang upat ka hangin gikan sa upat ka tumoy sa langit, ug patibulaagon nako sila ngadto niining tanan nga hangin. Walay nasod nga dili maadtoan sa gipatibulaag nga mga taga-Elam.’”
37 “Ipahinabo nako nga ang mga Elamihanon mahadlok sa ilang mga kaaway ug niadtong nagtinguha sa ilang kinabuhi; ug pahamtangan nako silag katalagman, ang akong nagsilaob nga kasuko,” miingon si Jehova. “Ug ipahinabo nako nga gukdon sila sa espada hangtod nga mapuo nako sila.”
38 “Ug ipahimutang nako ang akong trono sa Elam,+ ug laglagon nako gikan didto ang hari ug ang mga prinsipe,” miingon si Jehova.
39 “Apan sa kaulahiang bahin sa mga adlaw, tigomon nako ang mga nabihag sa Elam,” miingon si Jehova.