Salmo
Salmo ni David.
144 Madayeg unta si Jehova, ang akong Bato,+
Nga nagbansay sa akong mga kamot sa pagpakig-away,
Sa akong mga tudlo sa pagpakiggubat.+
2 Siya ang akong maunongong gugma ug salipdanan,
Ang akong luwas nga dangpanan* ug manluluwas,
Ang akong taming ug ang Usa nga akong gidangpan,+
Ang Usa nga nagpahinabo nga ang katawhan mailalom kanako.+
3 Oh Jehova, unsa ra man ang tawo nga ikaw magtagad man kaniya,
Ang anak sa tawo nga ikaw mamati man kaniya?+
7 Ituy-od ang imong mga kamot gikan sa langit;
Luwasa ko gikan sa nagbul-og nga katubigan,
Gikan sa kamot* sa mga langyaw,+
8 Kansang mga baba nagsultig kabakakan
Ug nag-isa sa ilang tuong kamot sa pagpanumpag bakak.*
9 Oh Diyos, awitan ka nakog bag-ong awit.+
Mag-awit kog mga pagdayeg kanimo, nga dinuyogan ug instrumento nga may 10 ka kuwerdas,
10 Sa Usa nga naghatag ug kadaogan* sa mga hari,+
Sa Usa nga nagaluwas sa iyang alagad nga si David gikan sa makamatay nga espada.+
11 Luwasa ko gikan sa kamot sa mga langyaw,
Kansang mga baba nagsultig kabakakan
Ug nag-isa sa ilang tuong kamot sa pagpanumpag bakak.
12 Unya ang among mga anak nga lalaki mahisamag linghod nga mga tanom nga paspas motubo,
Ang among mga anak nga babaye mahisamag mga haligi sa eskina nga gikulit alang sa palasyo.
13 Ang among mga balay-tipiganan mapuno pag-ayo sa tanang klase sa abot;
Ang among mga panon sa kahayopan diha sa kapatagan managhan; linibo ka pilo ug tinagpulo ka libo ka pilo.
14 Ang among mabdos nga mga baka dili maangol* o makuhaan;
Wala unyay pagdanguyngoy diha sa among mga plasa.
15 Malipayon ang katawhan nga ingon niana!
Malipayon ang katawhan kansang Diyos mao si Jehova!+