Salmo
Usa ka salmo. Awit alang sa adlawng Igpapahulay.
92 Maayo nga magpasalamat kang Jehova+
Ug mag-awit ug mga pagdayeg* sa imong ngalan, Oh Labing Hataas,
2 Sa pagpahayag sa imong maunongong gugma+ panahon sa kabuntagon
Ug sa imong pagkamatinumanon panahon sa kagabhion,
3 Nga dinuyogan ug instrumento nga may 10 ka kuwerdas,
Sa mananoy nga honi sa alpa.+
4 Kay gipalipay ko nimo, Oh Jehova, tungod sa imong mga buhat;
Tungod sa mga buhat sa imong mga kamot mosinggit ko sa kalipay.
5 Katingalahan gayod ang imong mga buhat, Oh Jehova!+
Lawom gayod ang imong mga hunahuna!+
7 Bisan pag ang mga daotan manurok samag mga bunglayon*
Ug ang tanang mamumuhat ug daotan molambo,
Bug-os nga kalaglagan ang ilang dangatan.+
8 Apan ikaw bayawon hangtod sa hangtod, Oh Jehova.
9 Tan-awa ang kapildihan sa imong mga kaaway, Oh Jehova,
Seguradong malaglag gayod ang imong mga kaaway;
Ang tanang mamumuhat ug daotan mangatibulaag.+
10 Apan bayawon nimo ang akong kusog* sama nianang sa ihalas nga torong baka;
Pahiran nakog bag-ong lana ang akong panit.+
11 Ang akong mata magtan-aw sa kapildihan sa akong mga kaaway;+
Ang akong mga igdulungog makadungog bahin sa pagkapukan sa mga daotan nga miatake kanako.
14 Bisan sa ilang pagkatigulang,* sila molambo pa gihapon;+
Sila magpabiling baskog* ug lunhaw,+
15 Nga magpahayag nga si Jehova matarong.
Siya ang akong Bato,+ nga kaniya walay pagkadili-matarong.