Salmo

Pag-awit kang Jehova ug usa ka bag-ong awit;+

Dayega siya diha sa kongregasyon sa mga maunongon.+

 2 Magsadya unta ang Israel sa iyang Dakong Magbubuhat;+

Magmalipayon unta ang mga anak sa Zion sa ilang Hari.

 3 Dayegon unta nila ang iyang ngalan uban sa pagsayaw+

Ug mag-awit ug mga pagdayeg kaniya, nga dinuyogag tamborin ug alpa.+

 4 Kay si Jehova nalipay sa iyang katawhan,+

Gipatahom niya ang mga maaghop* pinaagig kaluwasan.+

 5 Magsadya unta sa himaya ang mga maunongon;

Pahugyawa sila sa kalipay diha sa ilang mga higdaanan.+

 6 Maanaa unta sa ilang tutonlan ang mga awit sa pagdayeg sa Diyos,

Ug maanaa sa ilang kamot ang duhay sulab nga espada,

 7 Sa pagpanimalos sa mga nasod

Ug sa pagsilot sa mga katawhan,

 8 Sa paggapos sa ilang mga hari pinaagig kadena

Ug sa ilang mga halangdon pinaagig puthaw nga kadena,

 9 Sa pagpahamtang sa hukom nga gisulat batok kanila.+