Abdias
Kini ang giingon sa Soberanong Ginoong Jehova bahin sa Edom:+
“Nakadungog mig mensahe gikan kang Jehova,
Usa ka mensahero ang gipadala ngadto sa kanasoran:
‘Mangandam ta sa pagpakiggubat sa Edom!’”+
3 Gilimbongan ka sa imong mapahitas-ong kasingkasing,+
Ikaw nga nagpuyo sa habog nga pangpang
Ug nahimutang sa taas nga dapit, nga nag-ingon diha sa imong kasingkasing,
‘Kinsay makapildi nako?’
4 Bisan pag ibutang nimo sa taas nga dapit ang imong puy-anan* sama sa agila,
O bisan pag magsalag ka sa kabituonan,
Ipaubos ka nako gikan didto,” miingon si Jehova.
Dili ba kuhaon lang nila ang ilang gusto?
O kon mga tigpamupo ug ubas ang moanha nimo,
Dili ba magbilin pa silag hagdawonon?+
6 Apan ilang nakita ang tanang iya ni Esau ug gikuha kini!
Wala gyoy nabilin sa iyang tinagong mga bahandi!
7 Giabog ka sa imong mga kaalyado* ngadto sa utlanan.
Silang tanan naglimbong kanimo.
Ang mga tawo nga nakigdait nimo nakadaog batok kanimo.
Kadtong kauban nimo sa pagpangaon maglit-ag kanimo,
Apan dili ka makabantay niini.
8 Nianang adlawa,” matod ni Jehova,
“Akong laglagon ang mga maalamon sa Edom+
Ug ang mga makinaadmanon sa kabukiran ni Esau.
10 Tungod sa kapintasan nga imong gibuhat sa imong igsoong si Jacob,+
Ikaw maulawan gayod,+
Ug mahanaw ka hangtod sa hangtod.+
11 Sa adlaw nga gibihag sa mga kaaway ang iyang kasundalohan,+
Dihang ang mga langyaw misulod sa iyang siyudad* ug giripahan*+ ang Jerusalem,
Mitindog lang ka sa daplin.
Parehas ka nila ka daotan.
12 Dili ka angayng malipay sa adlaw sa kaalaotan sa imong igsoon,+
Dili ka angayng magsadya sa adlaw sa kalaglagan sa katawhan sa Juda,+
Ug dili ka angayng magyagayaga sa adlaw sa ilang kasakit.
13 Dili ka angayng mosulod sa siyudad* sa akong katawhan sa adlaw sa ilang katalagman,+
Dili ka angayng malipay sa iyang gidangatan sa adlaw sa iyang katalagman,
Ug dili ka angayng manguha sa iyang bahandi sa adlaw sa iyang katalagman.+
14 Dili ka angayng mag-atang sa nagsanga nga mga dalan aron patyon kadtong nangikyas,+
Ug dili nimo angayng itugyan sa kaaway ang mga nakaikyas sa adlaw sa kasakit.+
15 Kay duol na ang adlaw ni Jehova batok sa tanang kanasoran.+
Ang imong gibuhat mao sab ang buhaton kanimo.+
Ang imong pagtratar sa uban mosumbalik kanimo.
16 Kay sama sa imong pag-inom ug bino sa akong balaang bukid,
Ang tanang kanasoran manginom sab sa kanunay.+
Sila manginom ug moyarok sa kopa sa akong kasuko,
Ug sila mahanaw nga samag wala maglungtad.
17 Apan kadtong makaikyas naa unya sa Bukid sa Zion,+
Ug kini mahimong balaan;+
Ug mahibalik sa panimalay ni Jacob ang ilang mga gipanag-iya.+
18 Ang panimalay ni Jacob mahimong kalayo,
Ang panimalay ni Jose mahimong siga,
Ug ang panimalay ni Esau mahisamag dagami;
Ilang sunogon kini ug ugdawon,
Ug walay makaikyas sa panimalay ni Esau,+
Kay si Jehova mismo ang nagsulti niini.
19 Ilang mapanag-iya ang Negeb ug ang kabukiran ni Esau,+
Ang Sepela ug ang yuta sa mga Filistehanon.+
Ilang mapanag-iya ang kayutaan sa Epraim ug Samaria,+
Ug mapanag-iya ni Benjamin ang Gilead.
20 Ang katawhan sa Israel nga gibihag gikan niini nga kuta,+
Sila ang manag-iya sa yuta sa mga Canaanhon hangtod sa Zarepta.+
Ug ang mga binihag didto sa Separad, nga gikan sa Jerusalem, manag-iya sa mga siyudad sa Negeb.+