Jeremias
5 Suroya ang kadalanan sa Jerusalem.
Tan-awa ang palibot ug paniid.
Susiha ang iyang mga plasa
Kon makakaplag ba kag tawong nagpakitag hustisya,+
Usa nga nagtinguha nga magmatinumanon,
Ug siya akong pasayloon.
2 Bisan pag moingon sila: “Ingon nga si Jehova buhi!”
Sila manumpa gihapon ug bakak.+
3 Oh Jehova, dili ba gipangita sa imong mga mata ang pagkamatinumanon?+
Gihampak nimo sila, apan kini walay epekto kanila.*
Gipuo nimo sila, apan sila midumili sa pagdawat ug disiplina.+
4 Apan miingon ko sa akong kaugalingon: “Seguradong sila ang ubos nga mga tawo.
Milihok sila nga binuangbuang, kay wala sila mahibalo sa dalan ni Jehova,
Sa paghukom sa ilang Diyos.
5 Moadto ko sa prominenteng mga tawo ug makigsulti kanila,
Kay sila nahibalo gayod sa dalan ni Jehova,
Sa paghukom sa ilang Diyos.+
Apan gibali nila ang tanang yugo
Ug gipangbugto ang mga higot.”
6 Tungod niana ang leyon sa lasang miatake kanila,
Ang lobo sa desyertong kapatagan nagkuniskunis kanila,
Ang leopardo naghupo nga nagbantay diha sa ilang mga siyudad.
Ang tanang mogula gikan niini kuniskunison.
Kay daghan ang ilang kalapasan;
Daghan ang ilang buhat sa pagkadili-matinumanon.+
7 Unsaon nako pagpasaylo kanimo tungod niini?
Ang imong mga anak mibiya kanako,
Ug sila nanumpa sa dili Diyos.+
Gitagbaw nako ang ilang mga panginahanglan,
Apan padayon silang nanapaw,
Ug sila nagpanon paingon sa balay sa pampam.*
8 Sama silag higal nga mga kabayo nga gusto nang mohabal,
Nga ang matag usa nagbahihi sa asawa sa laing tawo.+
9 “Dili ba angay nako silang papanubagon tungod niining mga butanga?” miingon si Jehova.
“Dili ba angay kong manimalos sa maong nasod?”+
Pamutla ang iyang linghod nga mga sanga,
Kay dili kini iya ni Jehova.
Walay katalagman nga moabot kanato;
Dili kita makakitag espada o gutom.’+
Mahanaw usab unta sila!”*
14 Busa kini ang giingon ni Jehova, ang Diyos sa mga panon:
“Kay kining mga tawhana nagasulti niini,
Ang akong mga pulong himoon nakong kalayo diha sa imong baba,+
Ug kining mga tawhana ang kahoy,
Ug kini maglamoy kanila.”+
15 “Ania, ako magdala kaninyog usa ka nasod gikan sa layo, Oh panimalay ni Israel,”+ miingon si Jehova.
“Kini maoy malungtarong nasod.
Kini maoy karaang nasod,
Nasod nga ang pinulongan wala ninyo mahibaloi,
Ug ang sinultihan dili ninyo masabtan.+
16 Ang ilang udyongan samag bukas nga lubnganan;
Silang tanan mga manggugubat.
17 Lamyon nila ang inyong inani ug ang inyong tinapay.+
Lamyon nila ang inyong mga anak nga lalaki ug babaye.
Lamyon nila ang inyong mga panon sa karnero ug mga baka.
Lamyon nila ang inyong mga punoan sa ubas ug ang inyong mga kahoyng igos.
Laglagon nila pinaagig espada ang inyong pinarilang mga siyudad nga inyong gisaligan.”
18 “Apan bisan nianang mga adlawa,” miingon si Jehova, “dili mo nako bug-os puohon.+ 19 Ug dihang sila mangutana, ‘Nganong kining tanan gihimo kanato ni Jehova nga atong Diyos?’ tubaga sila, ‘Sama nga gibiyaan ko ninyo aron moalagad sa langyawng diyos sa inyong yuta, mag-alagad usab mo sa mga langyaw diha sa yuta nga dili inyoha.’”+
20 Ipahayag kini diha sa panimalay ni Jacob,
Ug imantala kini sa Juda, nga mag-ingon:
21 “Pamatia kini, kamong buangbuang ug hungog nga katawhan:*+
22 ‘Wala ba mo mahadlok kanako,’ miingon si Jehova,
‘Dili ba angay mong mangurog sa akong atubangan?
Ako ang nagpahimutang sa balas ingong utlanan sa dagat,
Usa ka permanenteng regulasyon aron dili kini makalabang.
Bisag ang mga balod niini maghandoshandos, kini dili gyod makadaog;
Bisag kini magdaguok, kini dili gihapon makatabok.+
23 Apan ang kasingkasing niini nga katawhan tig-a ug rebelyoso;
Sila mitipas ug misubay sa kaugalingon nilang dalan.+
24 Ug wala sila moingon sa ilang kasingkasing:
“Kahadlokan nato karon si Jehova nga atong Diyos,
Ang Usa nga naghatag ug ulan sa panahon niini,
Ang ulan sa tinglarag* ug ang ulan sa tingpamulak,
Ang Usa nga nagpaneguro nga may gitakdang mga semana sa pag-ani alang kanato.”+
25 Ang inyong kasaypanan nagpugong sa pag-abot niining mga butanga;
Ang inyong mga sala naghikaw kaninyo sa kon unsay maayo.+
26 Kay taliwala sa akong katawhan dunay mga tawong daotan.
Sila padayong naniid, sama sa mga tiglit-ag ug langgam nga naghupohupo.
Nagbutang silag makamatay nga bitik.
Mga tawo ang ilang ginadakop.
Mao nga sila nahimong gamhanan ug dato.
28 Sila nanambok ug mihamis;
Nag-awas-awas ang ilang pagkadaotan.
Wala nila labani ang kaso sa mga wala nay amahan,+
Aron unta sila modaog;
Ug gihikawan nilag hustisya ang mga kabos.’”+
29 “Dili ba angay nako silang papanubagon tungod niining mga butanga?” miingon si Jehova.
“Dili ba angay kong manimalos sa maong nasod?
30 Dunay nahitabong makahahadlok ug makalilisang nga butang sa yuta:
31 Ang mga propeta nanagna ug kabakakan;+
Ug gigamit sa mga saserdote ang ilang awtoridad aron magharihari.
Ug miangay niana ang akong katawhan.+
Apan unsay inyong buhaton inig-abot sa kataposan?”