Job

28 “Dunay dapit diin makamina ug plata

Ug dapit diin makamina ug bulawan nga ilang dalisayon;+

 2 Ang puthaw gikuha gikan sa yuta,

Ug ang tumbaga gitunaw* gikan sa mga bato.+

 3 Ang tawo magdalag kahayag sa dapit nga ngitngit;

Magkalot siya kutob sa iyang maarangan hangtod sa ngitngit kaayo nga dapit

Aron mangitag bililhong mga metal.*

 4 Siya nagkubkob ug tanel nga layo sa gipuy-an sa mga tawo,

Sa mga dapit nga nakalimtan na, nga layo sa ginaagian sa mga tawo;

Ang pipila sa mga tawo gitunton pinaagig mga pisi, nga nagtabyogtabyog samtang nagkombitay.

 5 Sa ibabaw sa yuta manubo ang pagkaon;

Apan sa ilalom, kini ginadaot nga daw pinaagig kalayo.*

 6 Diha sa mga bato dunay sapiro,

Ug ang mga abog dunay bulawan.

 7 Walay langgam nga mandadagit ang nahibalo sa agianan niini;

Ang mata sa banog nga itom wala makakita niini.

 8 Ang bangis nga mga mananap wala makaagi niini;

Kini wala maadtoi sa batang leyon.

 9 Gibuak sa tawo ang gahi kaayong bato;*

Gilintuwad niya ang kabukiran gikan sa pundasyon niini.

10 Siya naghimog mga agianan sa tubig+ diha sa bato;

Nakita sa iyang mga mata ang tanang bililhong butang.

11 Iyang gisap-ongan ang mga tuboran sa mga suba

Ug iyang gidala sa kahayag ang butang nga natago.

12 Apan asa makaplagan ang kaalam,+

Ug hain ang tinubdan sa pagsabot?+

13 Walay tawo nga nasayod sa bili niini,+

Ug kini dili makaplagan bisan diin sa kalibotan.

15 Dili kini mapalit pinaagig purong bulawan;

Ug dili kini ikabaylo sa plata.+

16 Dili kini mapalit pinaagig bulawan sa Opir+

Ug sa talagsaong bato nga onyx ug sa sapiro.

17 Dili ikatandi niini ang bulawan ug bildo;

Ug kini dili ikabaylo sa sudlanan nga gama sa maayong klase* nga bulawan.+

18 Dili makatupong niini ang korales ug ang kristal,+

Kay ang kaalam mas bililhon pa kay sa mga perlas.

19 Dili ikatandi niini ang topasyo+ sa Cus;

Dili kini mapalit bisan pinaagi sa purong bulawan.

20 Apan diin man nagagikan ang kaalam,

Ug hain ang tinubdan sa pagsabot?+

21 Dili kini makita sa mga mata sa tanang buhing butang+

Ug kini tinago gikan sa mga langgam sa kalangitan.

22 Ang kalaglagan ug ang kamatayon miingon,

‘Kami igo lang nakabalita bahin niini.’

23 Ang Diyos nakasabot kon unsaon pagkaplag niini;

Siya lamang ang nahibalo sa nahimutangan niini,+

24 Kay siya makakita hangtod sa kinatumyan sa yuta,

Ug iyang makita ang tanang butang ilalom sa langit.+

25 Dihang iyang gihatagag puwersa* ang hangin+

Ug gisukod ang katubigan,+

26 Dihang iyang gihatagag regulasyon ang ulan+

Ug gihimoag dalan ang dakong dag-om ug dalugdog,+

27 Unya iyang nakita ang kaalam ug gipatin-aw kini;

Iyang gipatungha ang kaalam ug gisulayan kini.

‘Tan-awa! Ang pagkahadlok kang Jehova mao ang kaalam,+

Ug ang pagpahilayo gikan sa daotan mao ang pagsabot.’”+