Unang Cronicas
7 Karon ang mga anak ni Isacar mao si Tola, Pua, Jasub, ug Simron+—upat. 2 Ug ang mga anak ni Tola mao si Uzi, Repaias, Jeriel, Jamai, Ibsam, ug Semuel, nga mga pangulo sa ilang mga banay.* Ang mga kaliwat ni Tola maoy banggiitang mga manggugubat, nga may gidaghanong 22,600 sa panahon ni David. 3 Ug ang mga kaliwat* ni Uzi mao si Izrahias ug ang mga anak ni Izrahias: si Miguel, Abdias, Joel, ug Isias—silang lima maoy mga pangulo. 4 Ug uban kanila, sumala sa ilang mga kaliwat, sumala sa ilang mga banay,* dihay 36,000 ka sundalo nga andam makiggubat, kay sila daghag asawa ug mga anak. 5 Ug ang ilang mga igsoon sa tanang kabanayan ni Isacar maoy banggiitang mga manggugubat, 87,000 sumala sa talaan sa kaliwatan.+
6 Ang mga anak ni Benjamin+ mao si Bela,+ Beker,+ ug Jediael+—tulo. 7 Ug ang mga anak ni Bela mao si Ezbon, Uzi, Uziel, Jerimot, ug Iri—lima. Sila maoy mga pangulo sa ilang mga banay* ug banggiitang mga manggugubat, ug 22,034 ang anaa sa ilang talaan sa kaliwatan.+ 8 Ug ang mga anak ni Beker mao si Zemira, Joas, Eliezer, Elioenai, Omri, Jeremot, Abias, Anatot, ug Alemet—kini silang tanan mga anak ni Beker. 9 Sumala sa talaan sa kaliwatan sa mga pangulo sa mga banay,* dihay 20,200 ka banggiitang manggugubat sa ilang mga kaliwat. 10 Ug ang mga anak ni Jediael+ mao si Bilhan ug ang mga anak ni Bilhan: si Jeus, Benjamin, Ehud, Kenaana, Zetan, Tarsis, ug Ahisahar. 11 Sumala sa talaan sa kaliwatan sa mga pangulo sa mga banay,* dihay 17,200 ka banggiitang manggugubat sa kaliwatan ni Jediael nga andam sa pagpakiggubat.
12 Ang mga banay ni Supim ug Hupim* maoy mga kaliwat ni Ir;+ ang mga anak ni Husim maoy mga kaliwat ni Aher.
13 Ang mga anak ni Neptali+ mao si Jaziel, Guni, Jezer, ug Salum—mga kaliwat* ni Bilha.+
14 Ang mga anak ni Manases:+ si Asriel, nga anak niya sa iyang puyopuyo* nga Siryanhon. (Siya nanganak kang Makir+ nga amahan ni Gilead. 15 Si Makir mikuhag asawa alang kang Hupim ug Supim, ug ang iyang igsoong babaye mao si Maaca.) Ang ikaduha mao si Zelopehad,+ apan mga babaye ang mga anak ni Zelopehad.+ 16 Si Maaca, asawa ni Makir, nanganak ug batang lalaki ug ginganlan siyag Peres; ug ang iyang igsoon mao si Seres; ug ang iyang mga anak mao si Ulam ug Rekem. 17 Ug ang anak* ni Ulam mao si Bedan. Kini sila mao ang mga anak ni Gilead nga anak ni Makir nga anak ni Manases. 18 Ug ang iyang igsoong babaye mao si Hamoleket. Siya nanganak kang Ishod, Abi-ezer, ug Mala. 19 Ug ang mga anak ni Semida mao si Ahian, Sekem, Likhi, ug Aniam.
20 Ang mga anak ni Epraim+ mao si Sutela,+ si Bered nga iyang anak, si Tahat nga iyang anak, si Eleada nga iyang anak, si Tahat nga iyang anak, 21 si Zabad nga iyang anak, si Sutela nga iyang anak, si Ezer, ug si Elead. Sila gipatay sa mga tawo sa Gat+ nga natawo sa maong yuta kay sila milugsong aron kuhaon ang ilang kahayopan. 22 Si Epraim nga ilang amahan nagbangotan sulod sa daghang adlaw, ug ginaadtoan siya sa iyang mga igsoon aron hupayon siya. 23 Human niadto siya nakigdulog sa iyang asawa, ug siya namabdos ug nanganak ug batang lalaki. Apan iyang ginganlan siyag Beria* kay siya nanganak sa panahon nga may nahitabong katalagman sa iyang panimalay. 24 Ug ang iyang anak nga babaye mao si Seera, nga maoy nagtukod sa Ubos+ ug Ibabaw nga Bet-horon+ ug sa Uzen-seera. 25 Ug diha si Repa nga iyang anak, si Resep, si Tela nga iyang anak, si Tahan nga iyang anak, 26 si Ladan nga iyang anak, si Amihud nga iyang anak, si Elisama nga iyang anak, 27 si Nun nga iyang anak, ug si Josue*+ nga iyang anak.
28 Ang ilang gipanag-iya ug ang ilang mga komunidad mao ang Bethel+ ug ang mga lungsod nga sakop* niini, ug sa sidlakan ang Naaran, ug sa kasadpan ang Gezer ug ang mga lungsod nga sakop niini, ug ang Sekem ug ang mga lungsod nga sakop niini, hangtod sa Ayyah* ug sa mga lungsod nga sakop niini; 29 ug tapad sa mga kaliwat ni Manases, ang Bet-sean+ ug ang mga lungsod nga sakop niini, ang Taanak+ ug ang mga lungsod nga sakop niini, ang Megido+ ug ang mga lungsod nga sakop niini, ug ang Dor+ ug ang mga lungsod nga sakop niini. Dinhi namuyo ang mga kaliwat ni Jose nga anak ni Israel.
30 Ang mga anak ni Aser mao si Imnah, Isva, Isvi, ug Beria,+ ug si Sera+ ang ilang igsoong babaye. 31 Ang mga anak ni Beria mao si Heber ug Malkiel, nga amahan ni Birzait. 32 Si Heber ang amahan ni Japlet, Somer, ug Hotam, ug ni Shua nga ilang igsoong babaye. 33 Ang mga anak ni Japlet mao si Pasak, Bimhal, ug Asvat. Mao kini ang mga anak ni Japlet. 34 Ang mga anak ni Semer* mao si Ahi, Roga, Jehuba, ug Aram. 35 Ang mga anak ni Helem* nga iyang igsoon mao si Zopa, Imna, Seles, ug Amal. 36 Ang mga anak ni Zopa mao si Sua, Harneper, Sual, Beri, Imra, 37 Bezer, Hod, Samma, Silsa, Itran, ug Beera. 38 Ang mga anak ni Jeter mao si Jepune, Pispa, ug Ara. 39 Ang mga anak ni Ula mao si Arah, Haniel, ug Rizia. 40 Kini silang tanan mga anak ni Aser, mga pangulo sa ilang mga banay,* pinili, banggiitang mga manggugubat, kinalabwang mga pangulo; ug ang ilang gidaghanon sumala sa talaan sa kaliwatan+ maoy 26,000 ka lalaki+ nga andam makiggubat.