Salmo
Dayega ang ngalan ni Jehova;
Dayega siya, kamong mga alagad ni Jehova,+
2 Kamo nga nagbarog sa balay ni Jehova,
Diha sa mga hawanan sa balay sa atong Diyos.+
3 Dayega si Jah, kay si Jehova maayo.+
Pag-awit ug mga pagdayeg* sa iyang ngalan, kay kini makapalipay.
4 Kay gipili ni Jah si Jacob alang sa iyang kaugalingon,
6 Ginabuhat ni Jehova ang tanan nga gusto niyang buhaton+
Sa langit ug sa yuta, sa kadagatan ug sa tanang kahiladman.
7 Siya nagapasaka sa mga panganod* gikan sa mga kinatumyan sa yuta;
Siya nagapatunghag kilat* alang sa ulan;
Siya nagapagula sa hangin gikan sa iyang mga tipiganan.+
9 Siya nagpahinabog mga ilhanan ug mga milagro sa imong taliwala, Oh Ehipto,+
Batok sa Paraon ug sa tanan niyang alagad.+
10 Iyang gipanglaglag ang daghang kanasoran+
Ug gipamatay ang gamhanang mga hari+
11 —Si Sihon nga hari sa mga Amorihanon,+
Si Og nga hari sa Basan,+
Ug ang tanang gingharian sa Canaan.
13 Oh Jehova, ang imong ngalan magpabilin hangtod sa hangtod.
Oh Jehova, ang imong kabantog* magpabilin hangtod sa tanang kaliwatan.+
16 Duna silay baba, apan dili makasulti;+
Dunay mga mata, apan dili makakita;
17 Duna silay dalunggan, apan dili makadungog.
Walay gininhawa sa ilang baba.+
18 Ang mga tawo nga nagbuhat kanila mahisama gayod kanila,+
Mao man usab ang tanang nagasalig kanila.+
19 Oh panimalay ni Israel, dayega si Jehova.
Oh panimalay ni Aaron, dayega si Jehova.
20 Oh panimalay ni Levi, dayega si Jehova.+
Kamong nahadlok kang Jehova, dayega si Jehova.
Dayega si Jah!+