Salmo
Alang sa direktor; sa Gittith.* Salmo sa mga anak ni Kore.+
Ang akong kasingkasing ug unod nagsinggit sa kalipay sa buhing Diyos.
3 Bisan ang langgam nakakaplag ug puy-anan didto
Ug ang gitgit naghimog salag didto,
Diin ginaatiman niya ang iyang kuyabog
Duol sa imong dakong halaran, Oh Jehova sa mga panon,
Akong Hari ug akong Diyos!
4 Malipayon kadtong mga nagpuyo sa imong balay!+
Nagpadayon sila sa pagdayeg kanimo.+ (Selah)
5 Malipayon ang mga tawo kansang kusog naggikan kanimo,+
Kansang mga kasingkasing nahimutang sa dagkong dalan.
6 Dihang miagi sila sa Walog sa Baca,*
Gihimo nila kini nga dapit sa mga tubod;
Ug ang ulan sa tinglarag* maghumod niini* ug mga panalangin.
7 Padayon silang maglakaw apan ang ilang kusog dili mahurot;+
Ang tagsatagsa moatubang sa Diyos didto sa Zion.
8 Oh Jehova nga Diyos sa mga panon, patalinghogi ang akong pag-ampo;
Pamati, Oh Diyos ni Jacob. (Selah)
10 Kay ang usa ka adlaw diha sa imong mga hawanan mas maayo pa kay sa usa ka libo diha sa bisan asang dapit!+
Pilion nako nga motindog sa pultahan sa balay sa akong Diyos
Kay sa mopuyo sa mga tolda sa pagkadaotan.
Dili ihikaw ni Jehova ang bisan unsang maayo
Gikan niadtong nagalakaw uban ang integridad.+