116 Gihigugma nako si Jehova
Kay siya mamati sa akong tingog, sa akong mga hangyo alang sa tabang.+
2 Kay ikiling niya ang iyang igdulungog kanako,+
Ug motawag ko niya hangtod nga ako buhi.
3 Gilikosan ko sa mga higot sa kamatayon;
Gikuptan ko pag-ayo sa Lubnganan.+
Nalumsan ko sa kasakit ug kaguol.+
4 Apan mitawag ko sa ngalan ni Jehova:+
“Oh Jehova, luwasa ko!”
5 Si Jehova mabination ug matarong;+
Ang atong Diyos maluluy-on.+
6 Ginabantayan ni Jehova ang walay kasinatian.+
Gipaubos ko, ug iya kong giluwas.
7 Hinaot mopahulay ko pag-usab,
Kay maayo ang pagtratar ni Jehova kanako.
8 Giluwas ko nimo gikan sa kamatayon,
Ang akong mata gikan sa mga luha, ang akong tiil gikan sa pagkapandol.+
9 Magalakaw ko sa atubangan ni Jehova sa yuta sa mga buhi.
10 Duna koy pagtuo, busa misulti ko;+
Gisakit ko pag-ayo.
11 Ako nalisang ug miingon:
“Ang tanang tawo bakakon.”+
12 Unsay akong ibalos kang Jehova
Sa tanang maayo nga iyang gibuhat alang kanako?
13 Dawaton nako ang kopa sa kaluwasan,
Ug motawag ko sa ngalan ni Jehova.
14 Tumanon nako ang akong mga panaad kang Jehova
Sa atubangan sa tanan niyang katawhan.+
15 Seryosong butang alang kang Jehova
Ang kamatayon sa mga maunongon kaniya.+
16 Nagpakiluoy ko, Oh Jehova,
Kay alagad ko nimo.
Alagad ko nimo, ang anak sa imong ulipong babaye.
Gibadbad nimo ang akong mga gapos.+
17 Itanyag nako nimo ang halad sa pagpasalamat;+
Motawag ko sa ngalan ni Jehova.
18 Tumanon nako ang akong mga panaad kang Jehova+
Sa atubangan sa tanan niyang katawhan,+
19 Sa mga hawanan sa balay ni Jehova,+
Sa imong taliwala, Oh Jerusalem.
Dayega si Jah!+