Salmo
Ngadto sa direktor; sa tono sa “Ang Hilom nga Salampati nga Atua sa Layo.” Salmo ni David. Miktam.* Dihang gidakop siya sa mga Filistehanon didto sa Gat.+
56 Kaluy-i ko, Oh Diyos, kay ginaatake* kog tawo.
Tibuok adlaw silang nakig-away ug nagdaogdaog kanako.
2 Tibuok adlaw kong gibanghagan sa akong mga kaaway;
Daghan ang mapahitas-ong nakig-away kanako.
3 Dihang mahadlok ko,+ mosalig ko nimo.+
4 Sa Diyos, kansang pulong akong gidayeg,
Sa Diyos ako mosalig; dili ko mahadlok.
Unsa may mahimo sa tawo* batok kanako?+
5 Tibuok adlaw nilang gidaot ang akong mga kalihokan;
Wala silay laing gihunahuna kondili ang pagdaot kanako.+
Nga nagtinguha nga kuhaon ang akong kinabuhi.+
7 Isalikway sila tungod sa ilang pagkadaotan.
Pukana ang mga nasod tungod sa imong kasuko, Oh Diyos.+
8 Ginasundan nimo ang akong paglatagaw.+
Tigoma ang akong mga luha sa imong panit nga sudlanan.+
Dili ba natala man kini sa imong basahon?+
9 Moatras ang akong mga kaaway sa adlaw nga motuaw ko alang sa tabang.+
Tungod niini masaligon ko nga ang Diyos dapig kanako.+
10 Sa Diyos, kansang pulong akong gidayeg,
Kang Jehova, kansang pulong akong gidayeg,
Unsa may mahimo sa tawo batok kanako?+
12 Duna koy mga panaad kanimo nga kinahanglan nakong tumanon, Oh Diyos.+
Magtanyag ko nimog mga pahayag sa pagpasalamat.+