Salmo
Ngadto sa direktor. Salmo ni David.
40 Naglaom gyod ko* kang Jehova,
Ug iyang gikiling kanako ang iyang igdulungog* ug gidungog ang akong pagtuaw alang sa tabang.+
2 Gipagawas ko niya gikan sa gahong nga may nagdahunog nga tubig,
Gikan sa lawom nga huyonghuyong.
Ug gipahimutang niya ang akong mga tiil ibabaw sa dakong bato;
Gipalig-on niya ang akong gitindogan.
Daghang motan-aw niini ang mahingangha
Ug sila mosalig kang Jehova.
4 Malipayon ang tawo nga nagasalig kang Jehova
Ug wala moduyog sa mga masukihon o niadtong mga misubay sa kabakakan.*
5 Pagkadaghan sa imong katingalahang mga buhat alang kanamo,
Oh Jehova nga akong Diyos,
Ug daghan ang imong gihunahuna alang kanamo.+
Wala ka mangayog mga halad nga sinunog ug mga halad sa sala.+
7 Unya miingon ko: “Ania, mianhi ko.
Nasulat kini bahin kanako sa linukot nga basahon.*+
8 Kalipay* nako ang pagbuhat sa imong kabubut-on, Oh akong Diyos,+
Ug ang imong balaod anaa sa akong kahiladman.+
9 Gipahayag nako ang maayong balita sa pagkamatarong diha sa dakong kongregasyon.+
Tan-awa! Wala nako pugngi ang akong mga ngabil,+
Sumala sa imong nahibaloan pag-ayo, Oh Jehova.
10 Wala nako tagoi ang imong pagkamatarong diha sa akong kasingkasing.
Gipahayag nako ang imong pagkamatinumanon ug kaluwasan.
Wala nako tagoi ang imong maunongong gugma ug kamatuoran diha sa dakong kongregasyon.”+
11 Oh Jehova, ayawg ihikaw ang imong kaluoy kanako.
Hinaot ang imong maunongong gugma ug kamatuoran kanunayng manalipod kanako.+
12 Ang mga katalagman nga naglibot kanako dili maihap sa kadaghan.+
Dili nako makita ang akong dalan kay nalumsan ko sa daghan kaayo nakong kasaypanan;+
Mas daghan pa kini kay sa mga buhok sa akong ulo,
Ug naluya ko pag-ayo.
13 Oh Jehova, palihog luwasa ko.+
Oh Jehova, tabangi dayon ko.+
14 Hinaot nga maulawan
Ang tanan nga nagtinguha sa pagpatay kanako.
Hinaot nga mangatras sa kaulaw
Kadtong nalipay sa akong katalagman.
15 Hinaot kadtong mga nagaingon kanako: “Aha! Aha!”
Malisang tungod sa ilang kaulawan.
Hinaot kadtong nangandoy sa imong mga buhat sa pagluwas kanunayng moingon:
“Hinaot mahimaya si Jehova.”+
17 Apan kabos ko ug walay mahimo;
Hinaot hatagan kog pagtagad ni Jehova.