Job

 3 Nganong giisip nimo kami nga mga mananap+

Ug gilantaw kami nga mga buangbuang?*

 4 Bisan pag kuniskunison nimo ang imong kaugalingon sa kasuko,

Biyaan ba ang yuta tungod kanimo,

O mopahilayo ba ang bato sa iyang dapit?

 5 Oo, ang suga sa daotan pagapalongon,

Ug ang siga sa iyang kalayo dili modan-ag.+

 6 Ang kahayag sa iyang tolda mongitngit gayod,

Ug ang lampara sa ibabaw niya pagapalongon.

 7 Ang iyang tag-as nga lakang pamub-on,

Ug ang iya mismong tambag maoy magpatumba kaniya.+

 8 Kay dad-on siya sa iyang mga tiil padulong sa pukot,

Ug siya maglakaw paingon niini.

 9 Usa ka bitik magsakmit kaniya sa tikod;

Usa ka lit-ag maggapos kaniya.+

10 Dunay pisi nga gitago alang kaniya diha sa yuta,

Ug dunay bitik nga gibutang diha sa iyang agianan.

11 Ang makalilisang nga mga butang sa tibuok palibot makapahadlok kaniya,+

Ug gukdon siya niini nga duol kaayo sa iyang mga tiil.

12 Ang iyang kusog maluya,

Ug siya mobarag* tungod sa katalagman.+

13 Ang iyang panit maut-ot;

Ang mga parte sa iyang lawas kutkuton sa kinagrabehan nga makamatayng sakit.*

14 Siya papahawaon sa iyang tolda diin siya may kasegurohan+

Ug siya maglakaw paingon sa hari sa mga kalisang.*

15 Ang mga estranyo* mopuyo sa iyang tolda;

Ang asupre igasabwag sa iyang puy-anan.+

16 Ang iyang mga gamot sa ilalom niya mauga,

Ug ang iyang mga sanga sa ibabaw niya malaya.

17 Siya dili na pagahandomon diha sa yuta,

Ug ang iyang ngalan mahikalimtan na* diha sa kadalanan.

18 Siya ilang papahawaon gikan sa kahayag ngadto sa kangitngit

Ug abogon gikan sa mabungahong yuta.

19 Siya dili makabaton ug mga anak ug mga kaliwat taliwala sa iyang katawhan,

Ug walay magpabiling buhi sa dapit nga iyang gipuy-an.*

20 Sa adlaw sa iyang katalagman, ang katawhan sa Kasadpan makurat pag-ayo

Ug ang katawhan sa Sidlakan mangurog sa kahadlok.

21 Kini ang mahitabo sa mga tolda sa mamumuhat ug daotan

Ug sa dapit sa usa nga wala makaila sa Diyos.”