Salmo
74 Oh Diyos, nganong gisalikway mi nimo hangtod sa hangtod?+
Nganong misilaob* ang imong kasuko batok sa mga karnero sa imong sibsibanan?+
2 Hinumdomi ang katawhan* nga imong naangkon dugay na kanhi,+
Ang tribo nga imong gitubos ingong imong panulondon.+
Hinumdomi ang Bukid sa Zion, diin ka nagpuyo.+
3 Adto sa dapit nga bug-os nga nagun-ob.+
Gipangdaot sa kaaway ang tanang anaa sa balaang dapit.+
4 Ang imong mga kaaway misinggit sa kadaogan sulod sa imong tigomanan.+
Ilang gipahimutang ang kaugalingon nilang mga bandila ingong mga ilhanan didto.
5 Nahisama silag mga lalaki nga nagbakyaw sa ilang mga atsa diha sa baga nga lasang.
6 Gidaot nila ang tanang kinulit niini+ pinaagig mga atsa ug bara.
7 Gisunog nila ang imong sangtuwaryo.+
Gipasipalahan nila ang tabernakulo nga nagdala sa imong ngalan ug gilumpag kini.
8 Sila ug ang ilang mga kaliwat miingon sa ilang kasingkasing:
“Ang tanang tigomanan sa Diyos* diha sa yuta angayng sunogon.”
9 Wala na tay makitang mga ilhanan;
Wala nay nahibiling propeta,
Ug walay usa kanato ang nahibalo kon hangtod kanus-a kini.
10 Hangtod kanus-a ba, Oh Diyos, nga ang kaaway magpadayon sa pagtamay?+
Padayon bang pasipalahan sa kaaway ang imong ngalan hangtod sa hangtod?+
11 Nganong gipugngan nimo ang imong kamot, ang imong tuong kamot?+
Bakyawa kini gikan sa imong dughan* ug laglaga silang tanan.
12 Apan ang Diyos mao ang akong Hari sukad pa kaniadto,
Ang usa nga nagahimog mga buhat sa pagluwas sa yuta.+
13 Gikutaw nimo ang dagat pinaagi sa imong kusog;+
Gidugmok nimo ang mga ulo sa dagkong linalang sa dagat diha sa katubigan.
14 Gidugmok nimo ang mga ulo sa Leviatan;*
Gihatag nimo kini ingong pagkaon sa katawhan, niadtong nagpuyo sa mga desyerto.
15 Gibuksan nimo ang mga tuboran ug kasapaan aron moagos ang tubig;+
Gipahubas nimo ang mga suba nga nagaagos kanunay.+
16 Imo ang adlaw, maingon man ang gabii.
Gihimo nimo ang kahayag* ug ang adlaw.+
18 Hinumdomi ang mga pagtamay sa kaaway, Oh Jehova,
Kon giunsa pagpasipala sa buangbuang nga katawhan ang imong ngalan.+
19 Ayawg itugyan ang kinabuhi sa imong tukmo ngadto sa ihalas nga mga mananap.
Ayawg kalimti hangtod sa hangtod ang kinabuhi sa imong katawhan nga sinakit.
20 Hinumdomi ang pakigsaad,
Kay ang ngitngit nga mga dapit sa yuta napunog kapintasan.
22 Tindog, Oh Diyos, depensahi ang imong kaso.
Hinumdomi kon giunsa ka sa buangbuang pagtamay sa tibuok adlaw.+
23 Ayawg kalimti ang ginasulti sa imong mga kaaway.
Ang kabanha sa mga mibatok kanimo padayong nagasaka.