‘Edukasyonal ug Matulon-anon’

Mao kana ang paghubit sa usa ka lalaki nga 26 anyos nga nagpuyo sa bukirong bahin sa Papua New Guinea bahin sa Pagmata!

Sa usa ka sulat ngadto sa sangang buhatan sa maong nasod, siya misulat: “Gikomendahan ko kamo sa inyong pagpatik sa dalayegon, matinud-anon, edukasyonal, ug matulon-anon nga mga artikulo sa mga ulohan diha sa inyong popular nga magasing Pagmata!” Ang lalaki mibatbat: “Bisag dili ako usa ka membro sa relihiyon sa mga Saksi ni Jehova, nalingaw gayod ako sa pagbasa sa mga kopya sa magasing Pagmata!, nga akong hinulman gikan sa akong mga higala. . . . Sa matag higayong mabasa ko ang usa ka kopya, buot kong mosulat kaninyo sa paghatag ug komendasyon sa inyong bililhong mga paningkamot. Apan sa dihang buot ko nang mosulat, ang laing artikulo moabot ug magpapuliki na usab kanako.”

Kining mapabilhong magbabasa mihinapos: “Sa akong hunahuna, ang Pagmata! hinungdanon gayod alang kang bisan kinsa nga makamaong mobasa. Gikan sa kahiladman sa akong kasingkasing, buot kong pasalamatan kamo sa makadaghan.”

Ang Pagmata! naghatag ug katin-awan bahin sa daghang ulohan. Labing hinungdanon, kini mougmad ug pagsalig sa saad sa Maglalalang sa usa ka makigdaiton nga bag-ong kalibotan nga mopuli sa karong sistema sa mga butang.

Ang 32-panid nga brosyur nga Unsay Gikinahanglan sa Diyos Kanato? nagpasiugda sa maong katuyoan sa Diyos, nga nagtaganag impormasyon gikan sa Bibliya aron ipakita kon unsay gikinahanglan natong buhaton aron makadawat sa iyang pag-uyon. Makahangyo ka ug usa ka kopya niini nga brosyur pinaagi sa pagsulat sa nagaubang kupon ug pagpadala niini sa adres nga gipakita sa kupon o sa nahiangay nga adres nga gilista sa panid 5 niining magasina.

□ Interesado ako nga makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.