Ang Tag-as nga mga Bilding Ginatukod pa sa Asia

“Adunay unom ka tag-as nga mga bilding nga giplano nga taas pa kay sa kaniadto-nagbuntaog nga 419-metros nga World Trade Center,” matod sa The Wall Street Journal. “Ang tanan anaa sa Asia.” Ang Journal midugang nga didto “ang 20 ka tuig nga kadasig alang sa tag-as kaayo nga mga bilding nagpadayon.”

Ang tag-as kaayong mga bilding mopandong sa kalangitan sa mga siyudad sa Korea, Taiwan, ug Tsina. “Ang tinguha nga kab-oton ang langit nakadulot ug lalom diha sa atong tawhanong kaisipan,” matod ni Cesar Pelli, arkitekto sa mga bilding nga mao ang kinatas-an karon sa kalibotan, ang kaluha nga Petronas Towers sa Kuala Lumpur, Malaysia. “Sukad sa Torre sa Babel, anaa ang tinguha sa pagpatindog ug usa ka timaan diha sa kalangitan.”

Gidugang sa mga inhenyero ang mas luwas pang mga disenyo. Kini naglakip sa dili-sirado nga “mga andanang dangpanan” matag 10 ngadto sa 12 ka andana, mas lig-ong pataas nga espasyo, mga sagbayan nga magkonektar sa pataas nga espasyo ngadto sa panggawas nga pangunang mga kolumna o nga nagliyok sa tinukod, ug mas daghang hagdan enkasog may sunog, nga magkalapad paingon sa ubos sa bilding aron magamit sa mas daghang tawo.

Sa pagkakaron, adunay mga duha ka dosenang mapuy-ang mga bilding sa kalibotan nga molapaw ug 300 metros, ug kapin sa katunga niana ania sa Asia. “Bisan pa niana ang mga eksperto mouyon nga walay praktikal nga panginahanglan sa mga bilding nga kapig 60 ka andana,” matod sa Journal.

[Hulagway sa panid 18]

Sa 1,483 ka piye, ang Petronas Towers mao ang kinatas-an sa kalibotan

[Chart/Mga hulagway sa panid 18]

(Alang sa aktuwal nga pagkahan-ay, tan-awa ang publikasyon)

Ang gitas-on sa bilding naglakip sa adornong mga taluktok apan dili mga antena.

143 metros 2500 W.K.P.Pyramid of Khafre, Giza, Ehipto

300 metros 1889 Eiffel Tower, Paris, Pransiya

348 metros 1997 T & C Tower, Kaohsiung, Taiwan

369 metros 1989 Bank of China, Hong Kong, Tsina

381 metros 1931 Empire State Building, New York, Tinipong Bansa

442 metros 1974 Sears Tower, Chicago, Tinipong Bansa

452 metros 1997 Petronas Towers, Kuala Lumpur, Malaysia

508 metros (Taposon sa 2003) Taipei Financial Center, Taipei, Taiwan

[Credit Line]

All sketches: Courtesy SkyscraperPage.com